بانی پی ٹی آئی عمران خان سنجیدہ ہیں تو وزیراعظم کو خط لکھیں : احسن اقبال

وفاقی وزیر پلاننگ اینڈ ڈویلپمنٹ احسن اقبال نے کہا ہے کہ اگر بانی پی ٹی آئی عمران خان سنجیدہ ہیں تو وزیراعظم کو خط لکھیں، سیاسی معاملات کا مرکزی ڈاکخانہ پرائم منسٹر کا آفس ہوتا ہے۔

تفصیلات کے مطابق نارووال میں تقریب سے خطاب کے دوران وفاقی وزیر احسن اقبال نے کہا کہ شکایات، تجاویز ہیں تو لیٹر لکھیں،انہوں نے کہا کہ ان کو سیاسی مداخلت کا 2018 میں چسکا پڑا، جس طرح اُس وقت انہیں دھاندلی کے ذریعے اقتدار میں لایا گیا۔

یہ بھی پڑھیں:شیر افضل مروت کو پارٹی سے کیوں نکالا گیا؟ شاہد میتلا کا اہم انکشاف

وہ سمجھتے ہیں دوبارہ اس طرح اقتدار حاصل کریں گے۔ احسن اقبال نے کہا کہ یہ شخص بار بارخط لکھ کر فوج کو سیاست میں شامل کرنے کی کوشش کر رہا ہے جو اس موقف کی نفی ہے جو کہتے ہیں میں بڑا سول حکمرانی کا چیمپئن ہوں۔

انہوں نے کہا کہ خط لکھنے والے چاہتے ہیں ان کو ایک بیساکھی مل جائے اوراس بیساکھی سے دوبارہ اقتدار تک پہنچ جائیں، پاکستان تحریک انصاف کی ساری سیاست کرپشن کے خلاف تھی۔ انہوں نے 190 ملین پاؤنڈ کا ڈاکہ پاکستان کے خزانے پر ڈالا ہے۔

احسن اقبال نے کہا کہ بانی پی ٹی آئی کی چوری کا دستاویزی ثبوت ملا ہے، وکیل سینیٹر علی ظفر، سلمان اکرم راجہ جیسے بڑے نامور وکلاء پر حیرت ہے کس طرح چوری کے مقدمہ کے وکیل بن کر قوم کے سامنے بیچ رہے ہیں۔

یہ بھی پڑھیں:فواد چوہدری سے صلح نہیں ہوگی، شعیب شاہین

وفاقی وزیر پلانگ اینڈ ڈویلپمنٹ نے مزید کہا کہ اندھے کو بھی علم ہے یہ ڈاکہ، چوری ہے، ملک کا خزانہ لوٹاگیا ہے، اس کی معافی پوری دنیا میں ہے نہ امریکہ، برطانیہ، جرمنی میں ہے۔