آئی سی سی کا پاکستان ٹیم کے لیے نیا پرومو جاری

انٹرنیشنل کرکٹ کونسل (آئی سی سی) نے پاکستان کرکٹ ٹیم کا نیا پرومو جاری کردیا، جس میں کھلاڑیوں کو چیمپئنز ٹرافی کی نئی کٹ پہنے دیکھا جا سکتا ہے۔

تفصیلات کے مطابق نئے جاری پرومو میں فخر زمان، آغا سلمان اور کپتان محمد رضوان نمایاں ہیں، جبکہ شاہین شاہ آفریدی، نسیم شاہ اور بابر اعظم بھی اپنے منفرد انداز میں جلوہ گر ہو رہے ہیں۔

اس کے علاوہ، عثمان خان ویڈیو میں پاکستانی پرچم کو خراج تحسین پیش کرتے نظر آتے ہیں۔