سونے کی قیمت میں پھر نمایاں اضافہ

پاکستان اور عالمی مارکیٹ میں سونے کی قیمتوں میں تیزی سے اضافہ ہونے کا سلسلہ جاری ہے۔

آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 1000 روپے کا اضافہ ہوا اورفی تولہ قیمت 304,200 روپے تک جا پہنچی ہے۔ اسی طرح 10 گرام سونے کی قیمت میں 857 روپے کا اضافہ ہوا اورنئی قیمت 260,802 روپے ہو گئی ہے۔

عالمی سطح پر بھی سونے کی قیمتوں میں اضافہ ہوا، جہاں سونا 10 ڈالر کے اضافے کے بعد 2,910 ڈالر فی اونس پر پہنچ گیا ہے۔

مزید پڑھیں: سٹاک مارکیٹ میں مثبت کاروبار کا رجحان ، ڈالر کی قیمت میں کمی

دوسری جانب انٹر بینک میں ڈالر کے مقابلے میں روپے کی قدر میں کمی ہو گئی۔اسٹیٹ بینک کے مطابق انٹربینک میں ڈالر کی قدر میں10 پیسے کا اضافہ ہونے سے ڈالر279 روپے 37 پیسے پر بند ہوا۔

گزشتہ روز انٹر بینک میں ڈالر کا 279 روپے 27 پیسے پر بند ہوا تھا۔