سندھ کے سرکاری گوداموں سے گندم کی ایک لاکھ 70ہزار سے زائد بوریاں غائب

سندھ کے سرکاری گوداموں سے گندم کی ایک لاکھ 70ہزار سے زائد بوریاں غائب ہونے کا انکشاف سامنے آیا ہے۔

نجی ٹی وی کے مطابق محکمہ خوراک سندھ نے 4 فوڈ سپروائزرز کو گندم کی بوریاں غائب کرنے پر شوکاز نوٹس جاری کردیے ہیں۔

محکمہ خوراک نے فوڈ سپر وائزرز لاڑکانہ نثار میرجت، ذوالفقار علی نوناری، محمد شریف بھٹو اور ایاز علی مشوری کو شوکاز نوٹس جاری کرتے ہوئے وضاحت طلب کی ہے۔

باسمتی چاول کی ملکیت کے حصول میں پاکستان کی بین الاقوامی سطح پر بڑی کامیابی

نثار میرجت پر گندم کی 1926 بوریاں، ذوالفقار نوناری پر 7041 بوریاں، محمد شریف بھٹو پر ایک لاکھ 54 ہزار 813 بوریاں جبکہ ایاز علی مشوری پر 6 ہزار 402 بوریاں غائب کرنے کا الزام ہے۔

چاروں فوڈ سپروائزرز کو 14 روز میں تحریری وضاحت دینے کی مہلت دی گئی ہے، جواب تسلی بخش نہ ہونے پر فائنل شوکاز نوٹس دیتے ہوئے ملازمت سے فارغ کر دیا جائے گا۔