نواز شریف سیاست میں پھر سے متحرک، کوٹ چٹھہ میں22 فروری کو جلسہ سے خطاب کریں گے

ڈیرہ غازی خان: وزیر اعظم کے مشیر برائے سیاسی امور رانا ثنا اللہ نے کہا ہے کہ مسلم لیگ ( ن) 22 فروری کو کوٹ چٹھہ میں جلسہ کرے گی جس میں سربراہ پاکستان مسلم لیگ (ن) نواز شریف اور وزیر اعظم شہباز شریف جلسہ سے خطاب کریں گے۔

تفصیلات کے مطابق سابق وزیر اعظم اور سربراہ پاکستان مسلم لیگ (ن) میاں نواز شریف ایک بار پھر سے سیاست میں متحرک ہو رہے ہیں اس حوالے سے وزیر اعظم کے مشیر برائے سیاسی امور رانا ثناء اللہ نے کہا ہے کہ مسلم لیگ (ن) 22 فروری کو کوٹ چٹھہ ( ڈیرہ غازی خان ) میں جلسہ کریگی جہاں پر سربراہ پاکستان مسلم لیگ (ن) نواز شریف اور وزیر اعظم شہباز شریف جلسہ سے خطاب کریں گے۔

مزید پڑھیں: شیرافضل کو پارٹی سے نکالنے کا فیصلہ عمران خان نے کیا، واپسی بھی انہی کے فیصلے سے ہوگی: سلمان اکرم راجہ

انہوں نے کہا کہ اس موقع پر وزیراعظم ائیر پورٹ کی بحالی کے منصوبے کا بھی اعلان کریں گے۔ رنا ثناء اللہ کا کہنا تھا کہ وزیر اعظم ڈیرہ غازی خان کیلئے 123 ارب روپے کے منصوبوں کا اعلان کریں گے۔ ملک میں ترقی مسلم لیگ ن کے دور حکومت میں ہوئی ہے۔ پی ٹی آئی کی حکومت کو ترقیاتی کام کرنے کی توفیق نہ ہوئی ۔