ارباب نیاز کرکٹ سٹیڈیم نام تبدیلی، ارباب خاندان کا شدید ردعمل سامنے آ گیا

پاکستان مسلم لیگ ن کے ایڈیشنل سیکرٹری اطلاعات ارباب خضرحیات نے صوبائی حکومت کی جانب سے پشاور کے ارباب نیازسٹیڈیم کا نام عمران خان سٹیڈیم رکھنے کی منظوری دینے کو بدیتی اور اخلاق سے گرا ہوا اقدام قرار دیا ہے۔

ارباب خضرحیات نے ایک بیان میں کہا کہ صوبائی حکومت نے اپنے 11سالہ دور اقتدار میں صوبہ میں ایک بھی کو ئی بڑا پراجیکٹ نہیں دیا ہے جس پر وہ اپنے قائدین کے نام رکھ سکے لیکن دوسروں کے ترقیاتی کاموں پر اپنے نام کی تختیاں لگانے کا بہت شوق ہے پہلے سوات میں نوازشریف کڈنی سنٹر کا نام تبدیل کروایا اب ارباب نیاز سٹیڈیم کا جو قابل مذمت ہے۔

یہ بھی پڑھیں:پی ٹی آئی سوشل میڈیا نے پارٹی کی جڑوں کو ہلاکررکھ دیا ، شیرافضل مروت

انہوں نے کہا کہ خیبر پختونخوا حکومت کے ان بھونڈے اقدامات سے اندازہ لگانا مشکل نہیں ہے کہ یہ صرف دوسروں کی تھوک کو چاٹ کر کریڈٹ لینا چاہتی ہے لیکن عوام ان کی اصلیت جانتی ہے کہ ان کا ایجنڈا صرف اور صرف عوام دشمن پالیسی ہے لیکن یہ یاد ر کھیں کہ تاریخی مقامات کے نام تبدیل کرنے سے انہیں سوائے رسوائی کے کچھ حاصل نہیں ہو گا۔

یہ بھی پڑھیں: 26 نومبر احتجاج میں گرفتار 120 سے زائد پی ٹی آئی کارکنوں کی ضمانتیں منظور

ارباب خضرحیات نے کہا کہ ارباب نیازسٹیڈیم دنیا بھر میں جانا جاتا ہے جبکہ اس کا نام تبدیل کر کے سرٹیفائیڈ چورعمران خان کے نام سے منسوب کرنا سٹیڈیم کی بھی توہین ہے کیونکہ کس طرح ایک انٹرنیشنل ا سٹیڈیم کا نام کرپشن اور ملک دشمن سرگرمیوں میں ملوث شخص کے نام پر رکھا جا سکتا ہے جس کی ہم ہر پلیٹ فارم پرمذمت کر یں گے ۔ ارباب خضرحیات نے کہا کہ ہمیں خدشہ ہے کہ نااہل صوبائی حکومت کل کو صوبہ کا نام بھی تبدیل کر کے عمران خان یا بشریٰ بی بی کے نام سے منسوب کردے ۔