By وزیر اعلیٰ خیبرپختونخواعلی امین گنڈاپور نے کارکردگی کی بنیاد پر مریم نواز کو براہ راست مناظرے کا چیلنج دے دیا ۔
تفصیلات کے مطابق علی امین گنڈاپور نے (کے پی کے )کے طلبہ کے لیے اہم فیصلہ کرتے ہوئے انہیں فری لیپ ٹاپ دینے کا اعلان کیا اور کہا کہ پنجاب کے جتنے فیصد طلبہ میں لیپ ٹاپ تقسیم کیےہیں ہم بھی اتنے فیصد طلبہ کو مفت میں لیپ ٹاپ دیں گے ۔
یہ بھی پڑھیں:پی ٹی آئی رہنماؤں کی چیف جسٹس پاکستان سے ملاقات، شکایات کے انبار لگا دیئے
مریم نواز، خیبر پختونخواحکومت کی طرز پر اپنے شہریوں کو بھی مفت صحت کارڈ دے۔انہوں نے کہا کہ ہم نے اپنی ساری آبادی کو صحت کارڈ پلس دیا ، اب لائف انشورنس کی سہولت فراہم کر رہے ہیں۔ انہوں نے چیلنج کیا کہ پنجاب حکومت بھی اپنی ٹوٹل آبادی کو یہ سہولیات دے۔
علی امین گنڈاپور نے کہاکہ ہم نے مشکل حالات کے باوجود اپنی آمدن میں 55 فیصد اضافہ کیا ہے، پنجاب حکومت بھی اپنی آمدن 12 فیصد سے 55 فیصد تک بڑھائے۔انہوں نے کہا کہ خیبر پختونخوا کابینہ کے پاس خزانے میں 176 ارب روپے کا سرپلس پڑا ہے۔
خیبر پختونخوا واحد صوبہ ہے جس نے بین الاقوامی مالیاتی فنڈ (آئی ایم ایف) کا ٹارگٹ پورا کیا ، باقی کسی دوسرے صوبے نے نہیں کیا۔ پنجاب کو آئی ایم ایف کی طرف سے 300 ارب روپے سرپلس کا ہدف دیا گیا تھا، پنجاب حکومت نے الٹا 146 ارب روپے کا خسارہ کیا۔
یہ بھی پڑھیں:بانی پی ٹی آئی سے ملاقاتوں پر پابندی سے متعلق عظمیٰ بخاری کا ردعمل آگیا
علی امین گنڈاپور نے کہا کہ ہم 4ہزار مستحق بچیوں کی شادیاں کروا رہے ہیں اور ہر بچی کو 2لاکھ روپے دے رہے ہیں۔ چیلنج کرتا ہوں پنجاب کی کارکردگی ہماری ایک فیصد کارکردگی کے برابر بھی نہیں، میں اس پر مناظرے کےلئے تیار ہوں۔
