چیمپیئنز ٹرافی ، جوش انگلس کی شاندار سنچری، آسٹریلیا نے انگلینڈ کو پانچ وکٹوں سے شکست دیدی

انٹرنیشنل کرکٹ کونسل (آئی سی سی) چیمپیئنز ٹرافی 2025 کے چوتھے میچ میں آسٹریلیا نے انگلینڈ کو پانچ وکٹوں سے شکست دے دی۔

آسٹریلیا نے 15 بال پہلے ہی پانچ وکٹ کے نقصان پر میچ جیت لیا، آسٹریلیا کی جانب سے جوش انگلس نے شاندار بیٹنگ کا مظاہرہ کیا، انہوں نے 86 گیندوں پر 120 رنز بنائے اور ناٹ آئوٹ رہے۔

ان کے علاوہ میتھیو شارٹ 63 اور ایلکس کیرے 69 اور مارنس 47 رنز بنا کر نمایاں رہے۔ گلین میکسویل 32 رنز کے ساتھ ناٹ آئوٹ رہے۔

اس سے قبل انگلینڈ کی جانب سے بین ڈکٹ نے شاندار بیٹنگ کا مظاہرہ کیا، انہوں  165 رنز بنائے، اس اننگز میں 17 چوکے اور تین چھکے شامل تھے، ان کے بعد جو روٹ 68 رنز بنا کر نمایاں رہے۔

انگلینڈ نے مقررہ 50 اوورز میں آٹھ وکٹوں کے  نقصان پر 351 رنز بنائے اور آسٹریلیا کو جیتنے کے لئے 352 رنز کا بڑا ٹارگٹ دیا۔

انگلینڈ اور آسٹریلیا کے درمیان ہونے والے میچ  انتہائی سخت سیکیورٹی انتظامات کیے گئے ہیں، آئی جی پنجاب نے بھی اہم ہدایات جاری کر دی ہیں۔

ہفتہ کے روز لاہور قذافی اسٹیڈیم میں روایتی حریف آسٹریلیا اورانگلینڈ کے درمیان میچ سے قبل  آئی جی پنجاب ڈاکٹرعثمان انور نے کھلاڑیوں، آفیشلز، شائقین کرکٹ کو بھرپور سکیورٹی فراہم کرنے کی ہدایت کی  اور کہا کہ انٹرنیشنل ایونٹ کی سیکیورٹی کے پیش نظر ملک دشمن عناصر پر کڑی نظر رکھی جائے۔

انہوں نے کہا کہ پرامن اور محفوظ ماحول میں انٹرنیشنل میچز کا انعقاد یقینی بنانے کے لیے پرعزم ہیں، پاکستان کرکٹ بورڈ، ضلعی انتظامیہ، سیکیورٹی ایجنسیز سمیت تمام اداروں سے کوآرڈینیشن مکمل ہے۔

مزید پڑھیں:چیمپیئنز ٹرافی، پاکستان نے ایک روزہ فارمیٹ میں ایک نیا ریکارڈ اپنے نام کر لیا

ڈاکٹر عثمان نے بتایا کہ آسٹریلیا اور انگلینڈ کے میچ کی سیکیورٹی پر 12ہزار سے زیادہ پولیس افسران واہلکارتعینات کیے گئے ہیں، کھلاڑیوں کی رہائش گاہ، روٹس، اسٹیڈیم، اردگرد کی بلند عمارات پرسنائیپرزتعینات ہیں، ڈولفن اسکواڈ، پولیس ریسپانس یونٹ، ایلیٹ ٹیمیں روٹس و اہم مقامات کے گرد مؤثر پبٹرولنگ کریں گے۔

انہوں نے کہا کہ سیف سٹی کیمروں کی مدد سے ٹیموں کے روٹس، اسٹیڈیم سمیت اہم مقامات کی مسلسل مانیٹرنگ کی جا رہی ہے، ٹریفک کا بلاتعطل بہاؤ، مناسب پارکنگ یقینی بنانے کے لیے اضافی ٹریفک وارڈنزتعینات کیے جانے کی ہدایت جاری کر دی گئی ہیں۔

آسٹریلیا کے اسکواڈ میں ٹریوس ہیڈ ، میٹ شارٹ ،اسٹیو اسمتھ (کیپٹن)، مارنس لیبوسچگین ، جوش انگلیس (ڈبلیو کے) ، الیکس کیری، گلین میکسویل ، بین ڈورشوس، ناتھن ایلیس، ایڈم زامپا، اسپینسر جانسن شامل ہیں۔

انگلینڈ کے اسکواڈ میں  بین ڈکٹ ، فل سالٹ ، جیمی اسمتھ (ڈبلیو کے) ، جو روٹ، ہیری بروک ، جوس بٹلر (کیپٹن) ، لیام لیونگ اسٹون، برائڈن کارس ، جوفرا آرچر، عادل راشد ، مارک ووڈ شامل ہیں