By وزیراعظم شہباز شریف نے کہا ہے کہ ترقی پاکستان کا مقدر ہے، اگر محنت کر کے بھارت کو پیچھے نہ چھوڑا تو میرا نام شہباز شریف نہیں۔
ڈیرہ غازی خان میں جلسے سے خطاب کرتے ہوئے وزیراعظم نے ڈی جی خان میں کینسر ہسپتال بنانے کا اعلان کرتے ہوئے کہا کہ پنجاب میں نوازشریف کے دور میں ترقی ہوئی۔
ان کاکہنا تھا کہ آج آپ کی خدمت میں مریم نواز حاضر ہیں، جنوبی پنجاب کا کوٹا نواز شریف اور میں نے زیادہ رکھا، یہ آپ پر کوئی احسان نہیں بلکہ یہ آپ کا حق تھا، مریم نواز بھی یہاں اسپتالوں کا جال بچھا رہی ہیں۔
معاشی بیڑا غرق کرنے والے سنیں! ہم سے فساد نہیں، ترقی کا بیانیہ بنتا ہے، مریم اورنگزیب
وزیراعظم شہباز شریف نے راجن پور میں یونیورسٹی بنانے کا بھی اعلان کیا، ان کاکہنا تھا کہ ساری عمر آپ کی خدمت کرتے رہیں گے تو احسان نہیں چکا سکیں گے۔
وزیراعظم کا کہنا تھا کہ جب اقتدار سنبھالا تو مہنگائی 40 فیصد پر تھی، نوازشریف نے سیاست قربان کرنے کا فیصلہ کیا، پاکستان کو بچایا، آج مہنگائی 2.4 فیصد پر آگئی ہے، بینکوں کی شرح سود 22 فیصد سے 12 فیصد پر آگئی ہے۔
وزیر اعظم نے کہا کہ ایک سیاستدان کہتا تھا شہباز شریف پیسے مانگنے جاتا تھا، کیا آپ بانٹنے جاتے تھے؟ ملک کی معیشت مستحکم ہوگئی ہے، جب تک دہشتگردی کا خاتمہ نہیں ہوتا ملک کی ترقی نہیں ہو سکتی، اسلام آباد میں دھاوے بولے جاتے ہیں تو ترقی نہیں ہو سکتی، امن قائم ہوئے بغیر یہ سب نہیں ہو گا۔
ان کا کہنا تھا کہ جب تک جان میں جان ہے خوب محنت کر کے پاکستان کو عظیم بنائیں گے، ترقی پاکستان کا مقدر بن چکی ہے اگر بھارت کو پیچھے نہ چھوڑا تو میرا نام شہباز شریف نہیں۔
