ملک کے مختلف علاقوں میں  25 فروری سے یکم مارچ تک بارشوں کی پیشگوئی

محکمہ موسمیات نے چار دن ملک کے مختلف علاقوں میں بارشوں کی پیشگوئی کر دی۔

محکمہ موسمیات کے مطابق 25فروری سے یکم مارچ تک بارش اور ہلکی برفباری ہونے کا امکان ہے،25 فروری سے یکم مارچ کے دوران پنجاب کے بیشتر اضلاع میں تیز ہوا چلنے اور بارش ہونے کی توقع ہے۔

مری اور گلیات سمیت دیگر پہاڑی علاقوں میں بارش اور برفباری کی پیش گوئی کی گئی ہے۔25 سے 28 فروری کے دوران لاہور، ٹوبہ ٹیک سنگھ، جھنگ، فیصل آباد، شیخو پورہ، نارووال، میانوالی اور سیالکوٹ میں بارش کا امکان ہے۔

پی ٹی آئی والوں نے سمجھوتے کے تحت عمران خان کو اندر رکھا ہے، فیصل واوڈا

سرگودھا، بھکر، خوشاب، حافظ آباد، گوجرانوالہ، منڈی بہاؤالدین اور گجرات میں بھی بارش کی توقع ہے، 25 سے 27 فروری تک ملتان، ڈیرہ غازی خان، لیہ، مظفرگڑھ، خانیوال، ساہیوال، پاکپتن، اوکاڑہ اور بہاولنگر میں بھی ہلکی بارش کی پیشگوئی کی گئی ہے۔ پہاڑی علاقوں میں برفباری کا امکان ہے۔

ڈائریکٹر جنرل پی ڈی ایم اے عرفان علی کاٹھیا نے کہا ہے کہ سیاح موسمی صورتحال کو مدنظر رکھتے ہوئے اپنا پروگرام ترتیب دیں، شہری خراب موسم میں غیر ضروری سفر سے گریز کریں۔