پاکستان کے خلاف میچ میں بڑ ے سکور کا پلان ہے:بھارتی اوپنر و نائب کپتان شبمن گل

بھارتی نوجوان اوپنرو نائب کپتان شبمن گل کا کہنا ہے کہ پاکستان کیخلاف آج ہونے والے میچ میں بڑ ے سکور کا پلان ہے۔

دبئی میں میڈیا سے گفتگو کرتے ہوئے شبمن گل کا کہنا تھا کہ پاک بھارت میچ سے ہمیں کوئی فرق نہیں پڑ نے والا، ہر میچ ون کرنے کی کوشش کریں گے، انہوں نے کہا کہ پچھلےمیچ میں اوس نہیں تھی مگر بال کھیلنے میں مشکل پیش آ رہی تھی، اسٹرائیک تبدیل کرتے رہے تو میچ میں کامیابی حاصل کریں گے۔

یہ بھی پڑھیں:پاک بھارت میچ میں کچھ خاص کرنے کی کوشش کریں گے:عاقب جاوید

شبمن گل نے کہا کہ گرین شرٹس کے خلاف یقیناً سنچری کرنے کا دل ہے، ویسے تو ہر میچ میں بڑا سکور کرنے کا پلان ہوتا ہے، ایک روزہ میچز زیادہ کھیلنے کو نہیں ملتے مگر ایکسٹرا رسک لینے کی ضرورت نہیں، اوورز ملتے ہیں تو رنز بھی بن جاتے ہیں ۔

بھارتی اوپنر کا کہنا تھا کہ پاکستان اور بھارت کے میچز کی ایک بہت بڑی اور طویل تاریخ رہی ہے، دبئی کی پیچ پر 280 یا 300 اچھا ٹوٹل ہوگا۔ انہوں نے کہا کہ شائقین کےلیے بڑا ایونٹ ہوتا ہے۔

یہ بھی پڑھیں:آسٹریلیا اور انگلینڈ کے میچ میں بھارت کا ترانہ چل گیا، پی سی بی کا آئی سی سی سے احتجاج

ہم پلیئرز ہیں، گیم کھیلیں گے، کوئی میچ کو بڑھا چڑھا کر پیش کرے تو بطور پلیئرز ہم اس کوکچھ نہیں کرسکتے۔ شبمن گل کا مزید کہنا تھا کہ پاکستان کرکٹ ٹیم اچھی ہے، بدقسمتی سے وہ اپنا پہلا میچ ہار گئے ۔