بارش برسانے والا سسٹم نکل گیا، موسم دوبارہ خشک ہونا شروع ہوگیا : محکمہ موسمیات

لاہورسمیت پنجاب کے بیشتر اضلاع سے بارش برسانے والا نظام نکل گیا ہے۔ جس کے باعث بیشتر اضلاع میں موسم دوبارہ خشک ہونا شروع ہوگیا ہے ۔

محکمہ موسمیات کا کہنا ہے کہ ملک کے میدانی علاقوں میں بارش اور پہاڑی علاقوں میں برف باری کے امکانات موجود ہیں ۔ گزشتہ روز صوبائی دارالحکومت لاہورمیں کم سے کم درجہ حرارت 9 ڈگری سینٹی گریڈ اورزیادہ سے زیادہ ،23 ڈگری سینٹی گریڈ ریکارڈ کیا گیا،آئندہ 24گھنٹوں کے دوران ملک کے بیشتر علاقوں میں موسم سرد اور خشک رہنےکا امکان ہے ۔

یہ بھی پڑھیں:آزاد کشمیر میں زلزلے کے جھٹکے محسوس کیے گئے

وفاقی دارالحکومت اسلام آباد اورگردونواح کے علاقوں میں موسم سرد اورخشک رہے گا ۔ اس کے علاوہ پنجاب کے بیشتراضلاع میں موسم سرد اورخشک رہنے کی توقع ہے جبکہ سندھ کے بیشتراضلاع میں موسم خشک، چند مقامات پرمطلع جزوی طور پر ابر آلود رہے گا ۔