لاہور میں پہلی سولر کار متعارف کرا دی گئی

صوبائی دارالحکومت لاہور میں پہلی سولر کار متعارف کرائی گئی ہے، جو اپنے کم خرچ اور ماحول دوست خصوصیات کی بدولت شہریوں کی توجہ کا مرکز بن گئی ہے۔ یہ جدید گاڑی سولر توانائی سے چل کر شہریوں کے لیے ایک جدید اور پائیدار سفری سہولت فراہم کرے گی۔

سولر کار ایک مکمل چارج پر 100 کلومیٹر تک سفر کر سکتی ہے، جبکہ اس کی زیادہ سے زیادہ رفتار 50 کلومیٹر فی گھنٹہ ہے۔ گاڑی کی چھت پر نصب سولر پینلز دھوپ میں بیٹری کو چارج کرتے رہتے ہیں، جس سے اس کی رینج بڑھ کر 150 کلومیٹر تک ہو جاتی ہے۔ اس کے علاوہ، سولر کے ساتھ ساتھ گاڑی کو عام الیکٹرک چارجر سے بھی چارج کیا جا سکتا ہے، جو اسے مزید سہولت بخش بناتا ہے۔

اس گاڑی میں اے سی، ہیٹر اور سن روف جیسی سہولیات بھی فراہم کی گئی ہیں، جو اسے روزمرہ استعمال کے لیے مکمل طور پر موزوں بناتی ہیں۔ شہریوں کا کہنا ہے کہ بچوں کو اسکول چھوڑنے، خریداری یا قریبی سفر کے لیے یہ ایک بہترین اور کم خرچ متبادل ہے، جو پیٹرول کے بڑھتے ہوئے اخراجات اور ٹریفک کے مسائل میں کمی لانے میں مددگار ثابت ہو سکتی ہے۔

یہ بھی پڑھیں: پاکستان کے ایک ایک انچ کی حفاظت ہمارا فرض ہے ، وزیراعلیٰ کے پی سہیل آفریدی

یہ سولر کار لاہور کی سڑکوں پر ایک نیا رجحان قائم کرنے کے ساتھ ساتھ ماحول کو بہتر بنانے اور توانائی کے بحران پر قابو پانے کی جانب ایک اہم قدم ہے