’قید کی سختیاں یا شاہانہ زندگی‘ عمران خان اور بشریٰ بی بی کے جیل اخراجات کی تفصیل سامنے آ گئی

اڈیالہ جیل حکام نے کہا ہے کہ پاکستان تحریک انصاف (پی ٹی آئی) کے بانی چیئرمین عمران خان کی اہلیہ بشریٰ بی بی کے اڈیالہ جیل میں منتقلی کے بعد دونوں میاں بیوی کے ماہانہ اخراجات میں لاکھوں روپے کا اضافہ ہو گیا ہے۔

یہ بھی پڑھیں:عمران خان کو ملنے والی سہولیات کی تفصیلات پہلی بار منظر عام پر آگئیں

منگل کو مقامی میڈیا پر سامنے آنے والی خبروں میں بتایا گیا ہے کہ اڈیالہ جیل کے حکام نے کہا ہے کہ بانی پی ٹی آئی کے بعد ان کی اہلیہ بشریٰ بی بی کے اڈیالہ جیل میں منتقل ہونے کے بعد دونوں میاں بیوی کے کھانے پینے کے اخراجات کروڑوں روپے تک پہنچ گئے ہیں۔

مزید پڑھیں:عمران خان کو جیل میں جو سہولیات حاصل ہیں وہ عام بندہ اپنی پوری زندگی حاصل نہیں کر سکتا، صحافی طارق چوہدری

میڈیا رپورٹ کے مطابق عمران خان اور بشریٰ بی بی کے صرف کھانے پینے پر اب تک ایک کروڑروپے سے زیادہ کی رقم خرچ ہو چکی ہے اور اب ان اخراجات میں بشریٰ بی بی بھی شامل ہو گئی ہیں جن کے جیل میں آنے کے بعد کھانے پینے کے اخراجات میں مزید اضافہ ہوگیا ہے ۔

میڈیا رپورٹ کے مطابق جیل حکام کا کہنا ہے کہ بشریٰ بی بی کے اڈیالہ جیل میں منتقل ہونے کے بعد اب دونوں عمران خان اور بشریٰ بی بی کے کھانے پینے کے اخراجات ماہانہ 6 لاکھ سے بڑھ کر 8 لاکھ روپے تک پہنچ گئے ہیں۔

یہ بھی پڑھیں:بشریٰ بی بی عمران خان کیساتھ ہی جیل سے باہر نکلیں گی: ترجمان مشال یوسفزئی

رپورٹ کے مطابق عمران خان اور بشریٰ بی بی کے جیل میں کھانے پینے کے لیے ادائیگی ان کی فیملی کی جانب سے ادا کی جاتی ہے، جس کے لیے رقم بانی پی ٹی آئی اور ان کی اہلیہ بشریٰ بی بی کے پی پی اکاؤنٹ میں جمع کروائی جاتی ہے۔