غیرملکی ٹیموں کی آمدورفت، اسلام آباد ٹریفک پولیس نے کل کیلئے ٹریفک پلان جاری کر دیا

اسلام آباد ٹریفک پولیس کے مطابق غیر ملکی ٹیم کی آمدورفت کے باعث کل دن 11 بجے سے 1 بجے تک مختلف اوقات میں سری نگر ہائی وے، کلب روڈ، مری روڈ، فیض آباد، فیصل ایونیو، 9th ایونیو اور ایکسپریس ہائی وے پر روٹ لگائے جائیں گے۔

روٹ کے باعث سری نگر ہائی وے اور ایکسپریس وے پر ٹریفک تعطل اور سست روی کا شکار رہے گی۔

ٹریفک پولیس نے شہریوں سے گزارش کی ہے کہ وہ روٹ لگنے کے دوران اسلام آباد میں سفر کے لیے مختلف انڈر پاسز اور سری نگر ہائی وے سے منسلک سروس روڈ کا استعمال کریں اور کسی بھی سفری دشواری سے بچنے کیلئے شہری 20 منٹ کا دورانیہ رکھ کر گھر سے نکلیں۔

ٹریفک پولیس نے کہا ہے کہ شہری دورانِ روٹ اسلام آباد میں سفرکیلئے مختلف انڈر پاسز اور سری نگر ہائی وے سے منسلک سروس روڈ کا استعمال کریں۔کسی بھی سفری دشواری سے بچنے کے شہری 20 منٹ کا دورانیہ رکھ کر گھر سے نکلیں۔ایکسپریس ہائی وے سے آنے والی ٹریفک کھنہ پل، پارک روڈ کا استعمال کریں۔ روٹ کے دوران اسلام چوک اور آئی جے پی روڈ کھلے رہے گے۔

دوسری طرف بی 17، بی15 سے بلیو ایریا یا ایف سکس آنے والی ٹریفک مارگلہ روڈ استعمال کرسکتی ہے۔بلیو ایریا کی جانب سفر کے لیئے نائتھ ایونیو اور ایچ ایٹ انڈر پاس کا استعمال کیا جائے۔ریڈ زون جانے والی ٹریفک مارگلہ روڈ، ایکسپریس چوک، ایوب چوک اور نادرا چوک کا استعمال کریں۔ شہری ریڈ زون سے فیض آباد جانے کے لئے براستہ کنونشن سینٹر، کلب روڈ کا استعمال کریں۔

اسلام آباد ٹریفک پولیس مختلف مقامات پرشہریوں کی رہنمائی کے لیے موجود رہے گی۔سفر کے دوران کسی بھی پریشانی اور رہنمائی کے لیئے ٹریفک ہیلپ لائن 1915 پر رابطہ کریں۔ ٹریفک پولیس کا سوشل میڈیا پلیٹ فارم شہریوں کو بروقت ٹریفک روٹس سے متعلق آگاہی کے لئے موجود ہے۔