پاکستان تحریکِ انصاف کا گرینڈ اپوزیشن الائنس بنانے کا خواب تاحال ادھورا کیونکہ مولانا فضل الرحمان نے گرینڈ اپوزیشن الائنس میں باضابط شمولیت کے حوالے سے انکار کردیا۔
تفصیلات کے مطابق سربراہ جمیعتِ علمائے اسلام مولانا فضل الرحمان کے پی ٹی آئی کے حوالے سے تحفظات تاحال برقرار ہیں اور انہوں نے پی ٹی آئی کے گرینڈ اپوزیشن الائنس میں باضابطہ شمولیت کے حوالے سے انکار کر دیا ہے۔
جے یو آئی کے رہنما کامران مرتضیٰ نے سوشل میڈیا پر گرینڈ الائنس بارے تحفظات کا اعلان کرتے ہوئے ٹویٹ میں کہا کہ
گرینڈ الائنس کا حصہ بننے کے لیے تحفظات اسد قیصر کو بتائے تھے۔ پی ٹی آئی کی جانب سے 15 روز گزرنے کے باوجود بھی جواب نہیں آیا۔
ہم نے پی ٹی آئی کے ساتھ ورکنگ ریلیشن شپ تو بنا لیا لیکن جب تک ہمارا ورکر اور قیادت مطمئن نہیں ہوتا ہم آگے نہیں بڑھ سکتے۔ مولانا غفور حیدری کی سربراہی میں ہمارا وفد اپوزیشن جماعتوں کی کانفرنس میں شرکت کرے گا۔ رہنما جے یو آئی کامران مرتضی نے واضح کیا کہ پی ٹی آئی ہمارے تحفظات دور کرنے میں ناکام رہی ہے۔
By 
