ملک میں تیل و گیس کی پیداوار میں ہفتہ وار بنیادوں پر کمی ہو گئی

ملک میں تیل و گیس کی پیداوار میں ہفتہ وار بنیادوں پر کمی ہو گئی۔

پی پی آئی ایس اور انڈسٹری کے اعداد و شمار کے مطابق 21 فروری کو ختم ہونے والے ہفتہ میں ملک میں خام تیل کی اوسط یومیہ پیداوار 60511 بیرل رہی جو پیوستہ ہفتہ کے مقابلہ میں ایک فیصد کم ہے۔ پیوستہ ہفتہ میں ملک میں خام تیل کی اوسط یومیہ پیداوار 61345 بیرل تھی۔

بجلی صارفین کو بڑا ریلیف ملنے کا امکان

 21 فروری کو ختم ہونے والے ہفتہ میں ملک میں گیس کی اوسط یومیہ پیداوار 2644 ایم ایم سی ایف ڈی ریکارڈ کی گئی جو پیوستہ ہفتہ کے مقابلہ میں تین فیصد کم رہی۔

پیوستہ ہفتہ میں ملک میں گیس کی اوسط یومیہ پیداوار 2716 ایم ایم سی ایف ڈی ریکارڈ کی گئی تھی۔ اعداد و شمار کے مطابق گذشتہ ہفتہ کے دوران او جی ڈی سی ایل کی خام تیل کی اوسط یومیہ پیداوار 30066، پی پی ایل 8727، ماڑی گیس 1084 اور پی او ایل کی خام تیل کی اوسط یومیہ پیداوار 3730 بیرل تھی۔