عالمی بینک نے پاکستان کی معیشت میں بہتری کا اعتراف کرلیا۔
پاکستان میں عالمی بینک کے کنٹری ڈائریکٹر ناجی بینہسین کا کہنا ہے کہ پاکستان میں معاشی استحکام مضبوط ہوتا جا رہا ہے۔ یہ معاشی استحکام دس سالہ معاہدے کیلئے مناسب وقت تھا۔ ناجی بینہسین نے کہا کہ یہ منصوبہ پاکستان کو 20 ارب ڈالر ترقیاتی قرض دینے پر توجہ مرکوز کرے گا۔ پاکستان کے ساتھ کنٹری پارٹنرشپ فریم ورک کا اعلان گزشتہ ماہ کیا گیا تھا۔
انہوں نے کہا کہ 2026 کے بعد سے یہ فنڈنگ کلین انرجی اور کلائمیٹ رزیلینس کیلئے دی جائے گی۔ یہ ورلڈ بینک اور پاکستان کے درمیان شراکت داری کا اہم لمحہ ہے۔ اس وقت پاکستان استحکام کی جانب گامزن ہے۔ ان کا مزید کہنا تھا کہ پاکستان میں طویل مدتی ترقی کے لیے نئے مقاصد اور منصوبے ہیں۔ یہ منصوبے عالمی بینک کی ترجیحات سے بالکل ہم آہنگ ہیں۔
By 
