علی امین گنڈاپور نے قید کار کنان کے اہل خانہ کے لئے راشن فراہم کر دیا

وزیر اعلیٰ خیبرپختونخوا علی امین گنڈاپور کی طرف سے مختلف مقدمات میں جیل میں قید کار کنان کے اہل خانہ کیلئے راشن فراہم کردیا گیا ہے۔

تفصیلات کے مطابق وزیراعلیٰ (کے پی کے )کے ترجمان فراز مغل کا کہنا ہے کہ پنجاب میں بے گناہ قید پی ٹی آئی کارکنوں کو ماہ مقدس میں استعمال کا راشن دے دیا گیا ہے۔

یہ بھی پڑھیں:کوشش ہے اپوزیشن جماعتوں میں ایک سوچ پر اتفاق پیدا ہو ، شاہد خاقان عباسی

اس پاک مہینے میں بے گناہ قید کارکنوں کو جو چیز چاہیے وہ انہیں ہر حالت میں فراہم کی جائے گی ۔ انہوں نے کہا کہ اس کے علاوہ بے گناہ قیدیوں کوقانونی معاونت بھی فراہم کی جا رہی ہیں ۔

یہ بھی پڑھیں:وزیر اعلیٰ پنجاب مریم نواز کے خلاف سپریم کور ٹ میں توہین عدالت کی درخواست دائر

ان کا کہنا تھا کہ پی ٹی آئی کی لیگل ٹیم نے اب تک ہزاروں قیدیوں کو رہائی دلائی ہے۔ترجمان کا مزید کہنا تھا کہ صوبائی وزیراعلیٰ علی امین گنڈاپور نے آخری قیدی تک کی رہائی کروانے کی بھی ہدایات دی ہیں ۔