گھریلو صارفین کو گیس فراہمی کا نیا شیڈول جاری

رمضان المبارک کے دوران لاہور میں گھریلو صارفین کو گیس کی فراہمی کے لیے نیا شیڈول نافذ کر دیا گیا۔

سوئی ناردرن گیس کمپنی نے سحری اور افطاری کے اوقات میں پریشر کے ساتھ گیس فراہم کرنے کا فیصلہ کیا۔

مزید پڑھیں: بجلی صارفین کو بڑا ریلیف ملنے کا امکان

سوئی ناردرن کے مطابق سحری کے دوران رات اڑھائی بجے سے صبح 8 بجے تک گیس کا پریشر برقرار رکھا جائے گا جبکہ افطاری کے اوقات میں دوپہر اڑھائی بجے سے رات 10 بجے تک گیس دی جائے گی۔

کمپنی نے رمضان کے دوران گیس کی بلا تعطل فراہمی کو یقینی بنانے کے لیے 100 ٹیمیں تشکیل دے دی ہیں جو 24 گھنٹے خدمات فراہم کریں گی۔ جنرل مینجر لاہور ایسٹ راشد عنایت کے مطابق یہ ٹیمیں تمام گیس کی ضروریات کو پورا کرنے کے لیے مکمل تیار ہیں۔