کون سے طلبا اسکیم کے اہل ہوں گے، طلبا کے لیے لیپ ٹاپ اسکیم میں اہلیت کا معیار سامنے آگیا

کون سے طلبا اسکیم کے اہل ہوں گے، طلبا کے لیے لیپ ٹاپ اسکیم میں اہلیت کا معیار سامنے آگیا۔

وزیر اعلیٰ پنجاب مریم نواز نے نوجوانوں کو ڈیجیٹل طور پر بااختیار بنانے کا ایک اور وعدہ پورا کرتے ہوئے لیپ ٹاپ اسکیم کا اعلان کر دیا ہے۔

وزیرتعلیم رانا سکندرحیات کا کہنا تھا کہ ایک لاکھ 10 ہزار طلبا میں جدید لیپ ٹاپ تقسیم کئے جائیں گے،اہلیت کا معیار بتاتے ہوئے انہوں نے کہا کہ پبلک سیکٹر تعلیمی اداروں کے بی ایس کے طلبا اپلائی کر سکیں گے۔

کل ملک کے مختلف علاقوں میں تیز ہوائوں اور گرج چمک کے ساتھ مزید بارش کی پیشگوئی

انہوں نے کہا کہ پہلے اور دوسرے سمسٹر کے طلبا اس اسکیم کے اہل ہوں گے، بی ایس طلبا کیلئے 65 فیصد اور میڈیکل طلبا کیلئے 80 فیصد میرٹ مقرر کیا گیا ہے۔

ان کا کہنا تھا کہ میرٹ انٹر میڈیٹ کے نمبرزکی بنیاد پر متعین کیا جائے گا۔اہل طلباء اس لنک پر کلک کرکے آن لائن درخواست دے سکتے ہیں: cmlaptophed.punjab.gov.pk۔ مفت لیپ ٹاپ کے لیے درخواست دینے سے پہلے انہیں اپنی تفصیلات آن لائن جمع کرانے کی ضرورت ہوگی۔

نجی کالجوں یا یونیورسٹیوں کے طلبہ اس اسکیم کے لئے اہل نہیں ہیں اس کے علاوہ لیپ ٹاپ اسکیم کے لیے کوئی درخواست فیس نہیں ہے۔