پاکستان میں سیمنٹ کی ریٹیل قیمتوں میں گزشتہ ہفتے کے دوران بھی کمی کا رجحان برقرار رہا۔
پاکستان ادارہ برائے شماریات کے تازہ اعدادوشمار کے مطابق 27 فروری کو ختم ہونے والے ہفتے میں ملک کے شمالی شہروں میں سیمنٹ کی فی بوری کی اوسط ریٹیل قیمت 1329 روپے ریکارڈ کی گئی، جو گزشتہ ہفتے کے مقابلے میں 0.94 فیصد کم ہے۔
گزشتہ ہفتے شمالی شہروں میں سیمنٹ کی فی بوری کی اوسط قیمت 1342 روپے تھی۔اسی طرح، جنوبی شہروں میں بھی سیمنٹ کی قیمتوں میں معمولی کمی دیکھی گئی۔ 27 فروری کو ختم ہونے والے ہفتے میں جنوبی شہروں میں سیمنٹ کی فی بوری کی اوسط ریٹیل قیمت 1382 روپے ریکارڈ کی گئی، جو گزشتہ ہفتے کے مقابلے میں 0.05 فیصد کم ہے۔
گزشتہ ہفتے جنوبی شہروں میں سیمنٹ کی فی بوری کی اوسط قیمت 1383 روپے تھی۔ شہروار اعداد وشمار کے مطابق اسلام آباد میں سیمنٹ کی فی بوری کی اوسط قیمت 1298 روپے، راولپنڈی میں 1297 روپے، گوجرانوالہ میں 1330 روپے، سیالکوٹ میں 1320 روپے، لاہور میں 1350 روپے، فیصل آباد میں 1335 روپے، سرگودھا میں 1350 روپے، ملتان میں 1347 روپے، بہاولپور میں 1400 روپے، پشاور میں 1342 روپے، اور بنوں میں 1250 روپے ریکارڈ کی گئی۔
جنوبی شہروں میں کراچی میں سیمنٹ کی فی بوری کی اوسط قیمت 1325 روپے، حیدرآباد میں 1340 روپے، سکھر میں 1450 روپے، لاڑکانہ میں 1400 روپے، کوئٹہ میں 1440 روپے، اور خضدار میں 1337 روپے ریکارڈ کی گئی۔
By 
