پاکستان کرکٹ ٹیم کے دورہ نیوزی لینڈ کے لیے ون ڈے اور ٹی ٹوئنٹی ٹیموں کے کپتان کا اعلان کر دیا گیا ہے۔
ذرائع کے مطابق محمد رضوان ون ڈے ٹیم کی قیادت جاری رکھیں گے، جبکہ سلمان علی آغا ٹی ٹوئنٹی ٹیم کے کپتان ہوں گے۔ اس سے قبل یہ خبریں آئی تھیں کہ پاکستان کرکٹ بورڈ (پی سی بی) نے دورہ نیوزی لینڈ کے لیے اسکواڈ اور منیجمنٹ کے حوالے سے مشاورت مکمل کر لی تھی۔
مزید برآں عبوری ہیڈ کوچ عاقب جاوید کے بارے میں یہ امکان ظاہر کیا جا رہا ہے کہ انہیں دورہ نیوزی لینڈ کے دوران اپنے عہدے پر برقرار رکھا جائے گا۔
ذرائع کے مطابق ون ڈے اسکواڈ میں محمد رضوان کی قیادت میں چند تبدیلیوں کا امکان ہے، جبکہ ٹی ٹوئنٹی اسکواڈ میں کپتان سمیت بڑی تبدیلیاں متوقع ہیں۔ شاداب خان کو ٹی ٹوئنٹی کپتان کے طور پر مضبوط امیدوار کے طور پر دیکھا جا رہا تھا۔
By 
