کور کمانڈر کوئٹہ کا خاران میں خصوصی بچوں کے اسکول کا دورہ

کور کمانڈر کوئٹہ لیفٹیننٹ جنرل راحت نسیم احمد خان نے خاران میں فرنٹیئر کور بلوچستان (ساؤتھ) کے زیر اہتمام قائم خصوصی بچوں کے سکول کا دورہ کیا۔

تفصیلات کےمطابق کور کمانڈر کوئٹہ جنرل راحت نسیم خان نے گزشتہ روز بلوچستان میں ضلع خاران فرنٹئیر کوربلوچستان کے زیر اہتمام قائم خصوصی بچوں کے سکول کا دورہ کیا ، خاران میں اپنی نوعیت کا یہ پہلا ادارہ ہے جو بصارت و سماعت سے محروم اور ذہنی و جسمانی طور پر معذور بچوں کو معیاری تعلیمی سہولیات فراہم کر رہا ہے۔

اس موقع پر کور کمانڈر کو اسکول کی تعلیمی و تربیتی سرگرمیوں کے بارے میں بریفنگ دی گئی۔ سکول میں پیشہ ور، محنتی اساتذہ اور انتظامیہ بچوں کو ایک مثالی تعلیمی ماحول فراہم کر رہے ہیں۔

کور کمانڈر نے گورنمنٹ بوائز ڈگری کالج خاران کے ہونہار طلباء کی اعلیٰ تعلیم کے لیے بھی مالی امداد کا بھی اعلان کیا۔