چیئرمین سینیٹ یوسف رضا گیلانی کو ٹڈاپ کرپشن کیس کے 3 مقدمات میں بری کر دیا گیا ۔
نجی ٹی وی کے مطابق یوسف رضا گیلانی کے خلاف ٹڈاپ کرپشن کیس کی سماعت وفاقی اینٹی کرپشن عدالت کراچی میں ہوئی جس میں وہ خود کورٹ میں پیش ہوئے۔
اس موقع پر جج نے کیس کی سماعت کے دوران سابق وزیر اعظم وچیئرمین سینیٹ سے مکالمہ کرتے ہوئے کہاکہ آپ کے خلاف 3 مقدمات کا فیصلہ آنا ہے، جس پر یوسف رضا گیلانی کا کہنا تھا جی پتہ ہے۔
عدالت نے ان سے استفسار کیا کہ آپ کس جیل میں جانا پسند کریں گے، کراچی، ملتان یا اسلام آباد، جس پر یوسف گیلانی کا کہنا تھاکہ مجھے جیل سے کوئی ڈر نہیں لگتا ، ہمارے لئے جیل کوئی نئی بات نہیں ہے۔
آپ چاہیں تو مجھے پھانسی د یدیں، چیئرمین سینیٹ کے جواب پر اینٹی کرپشن عدالت کے جج مسکرا د ئیے۔ عدالت نے ان سے سوال کیاکہ آپ کو گھر کی جیل میں کیوں نہیں جانا جاتے؟ جس پر یوسف گیلانی نے کہا کہ میرا آبائی گھر ملتان ہے، فیملی لاہور اور سینیٹ آفس اسلام آباد ہے۔
جج نے کہا تو آپ بتائیں، عدالت تو کراچی میں ہے، یوسف رضا گیلانی نے کہا پھر کہا جائے گا ان کی پارٹی کی سندھ میں حکومت ہے۔ عدالت نے کہا کہ گیلانی صاحب آپ کے خلاف کوئی الزام ثابت نہیں ہو سکا۔
آپ با عزت بری ہیں، آپ کے خلاف گواہی دینے والے اب خود ملزم بن گئے ہیں۔ عدالت نے 3 مقدمات کا ٹرائل مکمل ہونے کے بعد یوسف گیلانی سمیت 40 ملزمان کو کیس سے باعزت بری کر دیا۔
By 
