نیشنل ٹی توئنٹی کپ 2025 میں شامل قومی کھلاڑیوں کی میچ فیس میں کمی کے حوالے سے ترجمان پی سی بی نے موقف اختیار کیا کہ مالی اخراجات میں کمی کے لیے میچ فیس کم کرنےکا تاثر درست نہیں ہے۔
تفصیلات کے مطابق پی سی بی نے مارچ 14، جمعہ سے شروع ہونے والے قومی ٹی ٹوئنٹی کپ میں شریک کھلاڑیوں کی میچ فیس میں بڑی کمی کر دی۔کسی بھی ٹیم کے ہر کھلاڑی کو اب 40 ہزار روپے کے بجائے 10 ہزار روپے میچ فیس ادا کی جائے گی جبکہ رزیرو کھلاڑی 5 ہزار روپے پانے کا حقدار ہوگا۔
دریں اثنا رابطے پر پی سی بی کے ترجمان نے موقف اختیار کیا کہ مالی اخراجات میں کمی کرنے کے لیے میچ فیس کم کرنےکا تاثر درست نہیں ہے، اس کے برعکس ڈومیسٹک سیزن میں ایونٹس زیادہ ہونے کے سبب کھلاڑیوں کو مالی آمدنی میں اضافہ کے زیادہ بہتر مواقع میسر آئیں گے۔
میچ فیس میں کمی کھلاڑیوں خاص طور پر محکمہ جاتی نمائندگی کرنے والے کرکٹرز کی مجموعی آمدنی کو کم نہیں کرے گی۔
By 
