پاکستانیوں کے امریکی سفر پر مکمل پابندی کا امکان نہیں : سابق پاکستانی سفیر حسین حقانی

امریکا میں پاکستان کے سابق سفیر حسین حقانی نے کہا ہے کہ لگتا ہے پاکستانیوں کے امریکی سفر پر مکمل پابندی نہیں لگے گی، اب امریکا میں صرف پاکستانی باشندوں کےویزے کے اجراء کو محدود کیا جارہا ہے۔

حسین حقانی نے پی ٹی آئی کا نام لئے بغیر طنز کیا کہ امریکا میں بیٹھ کر پاکستان میں انقلاب لانے والوں کو اس مسئلے پر توجہ دینی چاہیے۔ ادھر سینئر سیاستدان مشاہد حسین سید نے مجوزہ فہرست کو امریکی حکومت کا سیاسی فیصلہ قرار د یا۔

یہ بھی پڑھیں:ملک سے دہشت گردی کی لعنت کو شکست دینے کیلئے سب کو متحد ہو کر آگے آنا ہو گا: سلمان اکرم راجہ

انہوں نے حکو مت پاکستان کو مشورہ دیا کہ پابندیاں لگنے کی صورت میں امریکیوں پر جوابی پابندیاں عائد کی جائیں۔ انہوں نے مزید کہا کہ بھارت ان 3 ممالک میں شامل ہے، جہا ں سے سب سے زیادہ غیر قانونی مہاجرین امریکا میں آتے ہیں، مگر بھارت کا نام مجوزہ فہرست میں کیوں شامل نہیں؟۔

یہ بھی پڑھیں:آئی ایم ایف نے پروگرام پر پاکستان کے بہتر عملدرآمد کو تسلیم کیا، وزیر خزانہ

علاوہ ازیں سابق سفیر ملیحہ لودھی کا کہنا تھا کہ میری انفارمیشن کے مطابق پاکستانیوں پرامریکا میں داخلے پر سفری پابندیاں نہیں ہوں گی، لیکن ویزے ملنے میں سختی ضرور ہوگی۔