آزاد کشمیر، مسافر کوسٹر کو حادثہ 5 افراد جاں بحق، 3 زخمی

آزاد کشمیر کے ضلع حویلی کے علاقے پرتھاں میں مسافر کوسٹر کے حادثے میں 5 افراد جاں بحق 3 زخمی ہو گئے ہیں، زخمیوں کو طبی امداد کے لیے اسپتال منتقل کر دیا گیا ہے۔

یہ بھی پڑھیں:مسافر کوچ کھائی میں جا گری،6افراد جاں بحق

اتوار کو آزاد کشمیر کے ضلع حویلی سے راولپنڈی آنے والی مسافر کوسٹر محمود گلی کے قریب پرتھاں کے مقام پر اچانک برف سے پھسل کر نیچے گہری کھائی میں جا گری، جس کے باعث 5 افراد موقع پر ہی جاں بحق ہوگئے جب کہ دیگر 3 افراد کو زخمی حالت میں قریبی اسپتال منتقل کر دیا گیا ہے۔

آزادکشمیر لسڈنہ کوسٹر حادثہ ۔
اللہ پاک شہداء کے درجات بلند فرمائے اور زخمیوں کو صحت کاملہ عطا فرمائے آمین pic.twitter.com/BFICWPtpKY

— Sardar Amir Yaquoob (@AmirYaquoobPTI) March 16, 2025

عینی شاہدین کے مطابق مسافر کوسٹر برف سے پھسل کر نیچے گہری کھائی میں جا گری، ڈرائیور نے پہلی کوشش میں گاڑی کو چڑھائی چڑھانے کی کوشش کی جس میں وہ ناکام ہو گیا تاہم دوسری کوشش کے دوران گاڑی بے قابو ہو کر برف سے پھسل کر نیچے گہری کھائی میں جا گری۔

عینی شاہدین کے مطابق ڈرائیور نے گاڑی کو چڑھائی چڑھانے کی جب دوسری مرتبہ کوشش تو اس میں 8 افراد سوار تھے، جن میں 5 افراد جاں بحق ہوگئے ہیں جبکہ 3 زخمی ہیں۔