ملک میں واقعات تسلسل کیساتھ ہو رہے ہیں، قوم کو اعتماد میں لیا جائے : خالد مقبول صدیقی

متحدہ قومی موومنٹ (ایم کیو ایم)پاکستان کے چیئرمین ڈاکٹر خالد مقبول صدیقی نے کہا ہے کہ ملک میں دہشت گردی واقعات آئے روز ہو رہے ہیں ، حکمرانوں کو چاہیے قوم کو اعتماد میں لیں، فوری طور پرآل پارٹیز کانفرنس( اے پی سی) بلائی جائے۔

میڈیا رپورٹ کے ،مطابق حیدر آباد میں تقریب سے خطاب کے دوران خالد مقبول صدیقی کا کہنا تھا کہ ہماری جماعت نے سے سےپہلے جاگیر داروں اور وڈیروں کےخلاف آواز بلند کی، انہوں نے کہا کہ پاکستان کے مستقبل کا فریم ورک مرتب کرنے کی ضرورت ہے۔

یہ بھی پڑھیں:بلوچستان میں دہشت گردوں کیلئے کوئی جگہ نہیں، ہر قیمت پر امن قائم کر یں : وزیراعلیٰ سرفراز بگٹی

خالد مقبول صدیقی کا کہنا تھا کہ وطن عزیز میں ایکشن کی نہیں پلان کی ضرورت ہے، چیئرمین ایم کیو ایم نے کہا کہ بلوچستان میں باہر سے آنیوالی دہشتگردی نے رمضان المبارک کا تقدس پامال کیا ۔ خالد مقبول نےمزید کہا کہ ایوانوں میں عوام کے دکھ اور درد کا مداوا کا کوئی امکان نظر نہیں آتا۔