فیس بک کی نئی پالیسی اور پاکستان میں مونیٹائزیشن کو دوبارہ حاصل کرنے کا طریقہ

معروف سماجی رابطے کی ویب سائٹ ’فیس بک  نے خاموشی سے مونیٹائزیشن پالیسی میں ایک بڑی اپ ڈیٹ جاری کی ہے ، جس سے بہت سے کریئٹرز کے پیجز کو اچانک بند کردیا گیا ہے، حتیٰ کہ ان کریئٹرز نے فیس بک کمیونٹی کی گائیڈ لائن کی کوئی خلاف ورزی بھی نہیں کی ہے۔

گزشتہ 48 گھنٹوں کے دوران متعدد فیس بک کریئٹرز نے فیس بک سے حاصل ہونے والی آمدنی کی اہم خصوصیات تک رسائی کھونے کی اطلاع دی ہے، جن میں اَن اسٹریم اشتہارات، ریل اشتہارات، فوٹو پوسٹ کی کمائی اور اسٹوری مونیٹائزیشن شامل ہیں۔ بہت سے لوگوں کے لیے سب سے زیادہ مایوس کن بات یہ ہے کہ فیس بک کی طرف سے کوئی انتباہ یا وضاحت بھی جاری نہیں کی گئی ہے، جس سے کنٹنٹ کریئٹرز میں الجھن اور مایوسی پیدا ہوئی ہے۔

فیس بک پیجز کو بند کیوں کیا جا رہا ہے؟

فیس بک کی ڈی موناٹائزیشن کی غیر متوقع لہر سخت مالی اہلیت کی شرائط سامنے آئی ہیں۔ نئی پالیسی میں پاکستانی بینک اکاؤنٹس اور ٹیکس کی تفصیلات کو مونیٹائزیشن کے لیے ضروری قرار دے دیا گیا ہے اور اس میں رقم کے حصول کے لیے پاکستانی بینک اکاؤنٹس کے استعمال کرنے پر پابندی شامل کر دی گئی ہے۔ پیجز کو اب مخصوص فیس بک کے اہل ممالک کی مالی تفصیلات سے لنک کرنا ہوگا، جیسا کہ، امریکا، برطانیہ، متحدہ عرب امارات اور بھارت شامل ہیں۔ یہاں تک کہ اگر کوئی کیریئٹر اصل کنٹنٹ تیار کرتا ہے اور فیس بک کی کمیونٹی گائیڈ لائنز پر پورا اترتا ہے، تو تازہ ترین مالیاتی معیار کو پورا کرنے میں ناکامی کا نتیجہ خود بخود ڈی موناٹائزیشن کی صورت میں نکل سکتا ہے۔

نئے قوانین کے تحت ڈی موناٹائزیشن کی وجوہات

فیس بک کی نئی پالیسی کے تحت بینک اکاؤنٹس اہل ممالک میں قائم نہیں ہیں، ٹیکس کی تفصیلات ادائیگی کے کھاتوں سے مطابقت نہیں رکھتیں، تیسرے فریق یا غلط مالی معلومات کا استعمال، متضاد یا ناقابل تصدیق ادائیگی کے اعداد و شمار فیس بک سے وابسطہ ماہرین کے مطابق، بہت سے متاثرہ پیجز نے فیس بک کے رائٹس مینیجر ٹول کا استعمال کیا اور اس سے پہلے بغیر کسی مسئلے کے مونیٹائزنگ کر رہے تھے، لیکن ممکنہ طور پر فرسودہ یا غیر مطابقت پذیر مالیاتی سیٹ اپ کی وجہ سے پھر بھی تازہ ترین بیک اینڈ سسٹم سے متاثر تھے۔

فیس بک کا نیا کنٹنٹ مونیٹائزیشن سسٹم کیسے ترتیب دیا جائے

ادائیگی کی معطلی یا مستقل مونیٹائزیشن کی پابندی سے بچنے کے لیے، پیجز مالکان کے لیے ضروری ہے کہ اسی اہل ملک سے بینک اکاؤنٹ اور ٹیکس کی تفصیلات فراہم کریں جس کی اجازت فیس بک دے رہا ہو۔ اس بات کو یقینی بنائیں کہ مالی معلومات سرکاری ریکارڈ سے بالکل مطابقت رکھتی ہوں، جعلی یا کہیں سے کاپی کی گئی تفصیلات استعمال کرنے سے گریز کریں،یہ آپ کے لیے مستقل پابندی کا سبب بن سکتی ہیں۔ سیٹ اپ یا تصدیق کے عمل کے دوران درست اور قابل تصدیق دستاویزات جمع کروائیں۔

فیس بک کا نظام اب تضادات کو زیادہ جارحانہ انداز میں مانیٹر کر رہا ہے۔ اگر ادائیگی تصدیق کے موڈ میں داخل ہوتی ہے اور ناکام ہوجاتی ہے تو ، پلیٹ فارم کسی پیچ کی کمانے کی صلاحیت کو مستقل طور پر غیر فعال کرسکتا ہے۔

کنٹنٹ کریئٹر اب کیا کر سکتے ہیں

اپنے ادائیگی کرنے والے ملک اور ٹیکس کی معلومات کو ڈبل چیک کریں۔

فیس بک کی مونیٹائزیشن پالیسیوں اور ادائیگی کے اہل ملک کی فہرست کے ساتھ اپ ڈیٹ رہیں

سیٹ اپ میں جلدی کرنے سے گریز کریں کیونکہ غلط اندراج کے طویل مدتی اثرات ہوسکتے ہیں

اگرچہ اس اچانک تبدیلی نے کنٹنٹ کریئٹرز کو ہلا کر رکھ دیا ہے ، لیکن جو لوگ اپنی مالی تفصیلات کو فیس بک کے نئے معیار کے ساتھ ہم آہنگ کرتے ہیں وہ مونیٹائزیشن ٹولز تک رسائی حاصل کرنے میں کامیاب ہوسکتے ہیں۔ آگے بڑھتے ہوئے، آمدنی کے لیے فیس بک پر انحصار کرنے والے کسی بھی شخص کے لیے تازہ ترین مونیٹائزیشن قوانین کو سمجھنا اور ان پر عمل کرنا ضروری ہے۔

فی الحال احتیاط، درست معلومات کی فراہمی اور باخبر رہنا پلیٹ فارم کے بدلتے ہوئے مونیٹائزیشن پالیسی کو نیویگیٹ کرنے کے لیے بہترین اوزار ہیں۔