بلوچستان حکومت نے لیویز فورس کو پولیس میں ضم کرنے کا فیصلہ کیا ہے۔
بلوچستان حکومت نے ڈیڑھ صدی پرانی لیویز فورس کو صوبائی پولیس میں ضم کرنے کا فیصلہ کیا ہے جو صوبے میں 82 فیصد علاقے میں امن و امان کی ذمہ دار ہے۔
یہ فیصلہ اعلی عسکری اور سول قیادت کے مابین متعدد اجلاسوں کے بعد کیا گیا ہے، لیویز فورس 2010 میں منظور کئے گئے ایک قانون کے تحت کام کررہی ہے، قانون کی منسوخی اور انضمام کیلئے صوبائی کابینہ سے منظوری اور اسمبلی سے قانون سازی کرنا ہو گی۔
حکومت کو نہ صرف اپوزیشن بلکہ حکومت کے اپنے ارکان کی مخالفت کا بھی سامنا کرنا پڑ سکتا ہے، سرکاری طور پر لیویز کے انضمام کیلئے اب تک کوئی کارروائی شروع نہیں ہوئی۔
اس سے قبل 2003 میں فوجی حکمران پرویز مشرف کے دور میں بھی لیویز فورس کو پولیس میں ضم کیا گیا تھا ، 2010 میں نواب اسلم رئیسانی نے لیویز فورس کو دوبارہ بحال کردیا تھا۔
By 
