ڈاکٹر ذاکر نائیک نے کہا ہے کہ مسلمان اگر ایک ہو جائیں گے تو کوئی ہمیں فٹ بال کی طرح لات نہیں مارے گا۔
پاکستان کے دورے پر آئے ہوئے معروف مذہبی اسکالر ڈاکٹر ذاکر نائیک نے لاہور میں ن لیگ کے صدر ملک سیف الملوک کھوکھر اور صوبائی وزیر کھیل ملک فیصل ایوب کھوکھر سے ملاقات کی اور مختلف امور پر بات چیت کی گئی۔
ڈاکٹر ذاکرنائیک کا کہنا تھا کہ مسلم امہ کے لیے 15 نکات ہیں جن میں فلسطین کا حل موجود ہے، ہم دیکھتے ہیں کئی جگہ مسلمانوں کے خلاف انسانی حقوق کی خلاف ورزیاں ہو رہی ہیں۔
انہوں نے کہا کہ چاہے فلسطین ہو کشمیر یا چین ہو، ہم فرقوں میں بٹے ہوئے ہیں، ان کا کہنا تھا کہ اگر ہم مسلمان ایک ہو جائیں گے تو کوئی ہمیں فٹ بال کی طرح لات نہیں مارے گا۔
صدر مسلم لیگ (ن) لاہور ملک سیف الملوک کھوکھر لاکھوں لوگوں کو مسلمان کرنے اور اسلام کی بہترین انداز میں خدمت کرنے پر مذہبی اسکالر کو خراج تحسین پیش کیا۔
By 
