خیبر پختونخوا حکومت نے اقلیتی کوٹے پر بھرتیوں کے لیے این او سی کی شرط ختم کر دی

سرکاری ملازمتوں کے خواہشمند افراد کے لیے بڑی خوشخبری ہے کہ حکومت نے بھرتیوں کیلیے اہم شرط ختم کر دی گئی ہے۔

تفصیلات کے مطابق سرکاری ملازمتوں کے خواہشمند اقلیتی برادری کے افراد کے لیے بڑی خوشخبری آ گئی ،  خیبر پختونخوا حکومت نے اقلیتی کوٹے پر بھرتیوں کے لیے این او سی کی شرط ختم کر دی ہے۔

اس سلسلے میں محکمہ خزانہ خیبر پختونخوا نے تمام انتظامی محکموں کو مراسلہ جاری کر دیا  جس میں آگاہ کیا گیا ہے کہ سرکاری ملازمتوں میں اقلیتوں کے لیے مختص کوٹے پر نئی بھرتیوں کے لیے این او سی کی شرط ختم کر دی ہے۔

یہ بھی پڑھیں : طورخم تجارتی گزرگاہ کو 25 روز بعد کھولنے کا فیصلہ

مراسلے میں کہا گیا ہے کہ وزیر اعلیٰ کے پی علی امین گنڈاپور نے اقلیتی کوٹے کی ملازمتوں پر بھرتیوں کے لیے این او سی کی شرط ختم کرنے کی منظوری دے دی ہے۔

محکمہ خزانہ نے تمام متعلقہ اداروں سے کہا ہے کہ وہ اس فیصلے پر عملدرآمد کو یقینی بنائیں اور خالی آسامیوں پر بھرتی شروع کی جائے۔