پانچ میچوں کی سیریز کے اہم تیسرے ٹی ٹوئنٹی میں نیوزی لینڈ نے پاکستان کے خلاف پہلے بیٹنگ کرتے ہوئے مقررہ ااورز میں 204رنز بنائے اور گرین شرٹس کو 205رزنر کا ہدف دے دیا ۔
تفصیلات کے مطابق آکلینڈ کے ایڈن پارک میں آج پاکستان اور نیوزی لینڈ کی کرکٹ ٹیموں کے درمیان ٹی ٹوئنٹی سیریز کا تیسرا ٹی 20میچ کھیلا جا رہا ہے جس میں پاکستان نے ٹاس جیت کر نیوزی لینڈ کو پہلے بیٹنگ کی دعوت دی ۔
آکلینڈ میں کھیلے جارہے میچ میں نیوزی لینڈ کو ابتدا میں ہی اوپنر فلن ایلن کے آؤٹ ہونے کا دھچکا لگا، وہ صفر پر یویلین لوٹے تاہم دوسری وکٹ کیلئے ٹم سیفرٹ اور چیپمین نے 40 رنز کا اضافہ کیا لیکن سیفرٹ 19 کے انفراد سکور پر میدان چھوڑ گئے ۔
کیویز کی جانب سے مارک چیپمین نے 94 رنز کی عمدہ اننگز کھیلی جس میں 4 چھکے اور 11 چوکے شامل تھے، ا ن کے علاوہ دیگر کھلاڑیوں میں ڈیرل مچل 17،جیمی نیشم 3،مچل ہے 9 اور کائل جیمیسن بغیر کوئی رن بنائے آؤٹ ہو گئے ۔کیوی کپتان مائیکل بریسویل نے 18 گیندوں پر 2 چھکوں اور 3 چوکوں کی مدد سے 31،ایش سودھی نے 10 اور جیکب ڈفی 2 رنز بنا کر پویلین لوٹے۔
پاکستان کی جانب سے فاسٹ باؤلر حارث رؤف نے 3شاہین شاہ آفریدی، ابرار احمد اور عباس آفریدی نے 2، 2 جبکہ شاداب خان نے ایک وکٹ حاصل کی۔ قبل ازیں قومی ٹیم کے کپتان سلمان علی آغا نے ٹاس کے موقع پر گفتگو کرتے ہوئے کہا ہے کہ کوشش ہوگی میچ میں فتح حاصل کرکے سیریز جیتیں۔
ٹیم میں عباس آفریدی اور ابرار احمد کو شامل کیا گیا ہے جبکہ محمد علی اور جہانداد خان کو ٹیم سے ڈراپ کیا گیا ہے۔ اس موقع پر نیوزی لینڈ کے کپتان مائیکل بریسویل نے کہا کہ میچ میں فتح کے ساتھ ہی سیریز جیتنا چاہتے ہیں۔
پاکستان سکواڈ:
قومی ٹیم میں کپتان سلمان علی آغا، محمد حارث(وکٹ کیپر)، حسن نواز، محمد عرفان خان نیازی، شاداب خان، عبدالصمد، خوشدل شاہ، محمد عباس آفریدی، شاہین شاہ آفریدی، ابرار احمد اور حارث رؤف شامل ہیں۔
نیوزی لینڈ اسکواڈ:
مائیکل بریسویل کپتان ، ٹم سیفرٹ، فن ایلن، مارک چیپ مین، ڈیرل مچل، جمی نیشم، ایش سودھی، مچ ہے، کائل جیمیسن، جیکب ڈفی اور بین سیئرز پر مشتمل ہے۔
یاد رہے کہ نیوزی لینڈ کی ٹیم کو ٹی ٹوئنٹی پانچ میچز کی سیریز میں دو صفر کی برتری حاصل ہے۔
By 
