نوجوان بلے باز حسن نواز نے بابراعظم کا ریکارڈ توڑ دیا

پاکستانی بلے باز حسن نواز ٹی ٹونٹی انٹرنیشنل میں تیز ترین سنچری بنانیوالے پاکستانی کرکٹر بن گئے۔

نوجوان بلے باز حسن نواز نے بابراعظم کا تیز ترین سنچری کا ریکارڈ توڑدیا۔ 22 سالہ حسن نواز نے آکلینڈ میں کھیلے جانیوالے تیسرے ٹی ٹونٹی میچ میں 44 گیندوں پر سنچری بنائی، ان کی اننگز میں 10 چوکے اور 7 چھکے شامل تھے۔

حسن نواز نے 105 رنز کی ناقابل شکست اننگز کھیل کر قومی ٹیم کو فتح سے ہمکنار کروایااور شاندار بلے بازی پر پلئیر آف دی میچ قرار پائے۔ یہاں یہ بات بھی قابل ذکر ہے کہ یہ میچ حسن نواز کے کیرئیر کا تیسرا ٹی ٹونٹی انٹرنیشنل تھا۔

مزید پڑھیں: پاکستان کرکٹ ٹیم نے ٹی ٹوئنٹی میں نیا ورلڈ ریکارڈ بنا دیا

اس سے قبل بابراعظم نے 2021 میں 49 گیندوں پر جنوبی افریقہ کیخلاف سنچری اسکور کی تھی۔

تیسرے ٹی ٹونٹی میں پاکستان نے کیویز کو 9 وکٹوں سے شکست دی تھی۔5میچز کی سیریز میں نیوزی لینڈ نے دو اور پاکستان نے ایک میچ جیت رکھا ہے۔