فیڈرل بورڈ آف ریونیو (ایف بی آر) نے سیلز ٹیکس اور فیڈرل ایکسائز ریٹرن 2025 کے لیے ٹیکس ریٹرن گوشوارے جمع کروانے کی آخری تاریخ میں توسیع کردی ہے۔ ٹیکس دہندگان اب 18 مارچ کی ڈیڈ لائن کے بجائے 27 مارچ تک اپنے گوشوارے جمع کراسکتے ہیں۔
میڈیا رپورٹ کے مطابق ایف بی آر نے توسیع کی تصدیق کرتے ہوئے باضابطہ نوٹیفکیشن جاری کردیا ہے۔ یہ فیصلہ سیلز ٹیکس ایکٹ 1990 کی دفعہ 74 اور فیڈرل ایکسائز ایکٹ 2005 کی دفعہ 43 کے تحت کیا گیا ہے۔
ایف بی آر حکام کا کہنا ہے کہ یہ توسیع ٹیکس دہندگان کی سہولت کے لیے دی گئی ہے جنہیں وقت پر گوشوارے جمع کرانے میں مشکلات کا سامنا کرنا پڑ سکتا ہے۔ اس اقدام کا مقصد انہیں جرمانے سے بچنے اور بروقت تعمیل کو یقینی بنانے میں مدد کرنا ہے۔
By 
