رہنما تحریک انصاف فیصل جاوید نے کہا ہے کہ عید کے بعد اچھی خبریں آئیں گی، سینئر لیڈرشپ اپوزیشن جماعتوں سے رابطے میں ہے۔
پشاور میں میڈیا سے گفتگو کرتے ہوئے فیصل جاوید کاکہنا تھا کہ اپوزیشن جماعتوں کا مضبوط الائنس بن رہا ہے جو جماعتیں آئین، قانون اور جمہوریت کےساتھ کھڑی ہوں گی ان کو پذیرائی ملے گی۔
انہوں نے کہا کہ آئین کی بالادستی اور جمہوریت کے لیے سب کو نکلنا ہوگا، وفاقی وزراء بیرون ملک دورے کر رہے ہیں انہیں عوام کی فکر نہیں ، عوام مہنگائی کی چکی میں پس رہے ہیں اور کابینہ اپنی تنخواہیں بڑھا رہی ہے، مجھے عمرہ کے لیے نہیں جانے دیا جا رہا۔
فیصل جاوید نے مزید کہا کہ آج کے دن 1992ء میں پاکستان نے کرکٹ ورلڈ کپ جیتا تھا، پاکستان نے واحد ون ڈے ورلڈ کپ بانیٔ پی ٹی آئی کی قیادت میں جیتا۔
By 
