سونا مزید سستا ہوگیا

سونے کی قیمتوں میں اضافے کے بعد آج معمولی کمی دیکھنے میں آئی۔

آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں سینکڑوں روپے کی کمی ہوگئی۔ سونا فی تولہ 800 روپے سستا ہوکر 3 لاکھ 17 ہزار 800 روپے ہوگیا۔ اسی طرح دس گرام سونے کی قیمت میں 686 روپے کمی کے بعد 2 لاکھ 72 ہزار462 روپے ہوگئی۔

عالمی مارکیٹ میں سونے کی قیمت میں 6 ڈالر کی کمی ہوئی اور فی اونس سونے کی قیمت 3 ہزار 21 ڈالر ہوگئی۔

مزید پڑھیں: عالمی مارکیٹ میں پیٹرول اور ڈیزل کی قیمتوں میں نمایاں کمی

انٹر بینک میں ڈالر مزید مہنگا ہو گیا، روپے کی قدر میں کمی ہو گئی۔انٹربینک مارکیٹ میں کاروبار کے اختتام پر ڈالر کی قدر6 پیسے بڑھ گئی، جس کے بعد ڈالر 280 روپے 42 پیسے کی سطح پر بند ہوا۔

اوپن مارکیٹ میں ڈالر کی قدر میں دو پیسے کا اضافہ ہوا جس کے بعد ڈالر 282 روپے 04 پیسے کی سطح پر پہنچ گیا۔