پنجاب حکومت نے اسکولوں کے لئے نئے اوقات کار جاری کر دیے

پنجاب کے اسکولوں میں عید کی تعطیلات کے بعد نئے اوقات کار جاری کر دیے گئے۔

اسکول ایجوکیشن ڈیپارٹمنٹ پنجاب نے نوٹیفکیشن جاری کیا ہے جس کے مطابق سنگل شفٹ اسکول صبح 8بجے لگا کریں گے،چھٹی ڈیڑھ بجے ہوگی،سنگل شفٹ اسکولز کو جمعہ کے روز 12بجے چھٹی ہوا کرے گی۔

نوٹیفکیشن کے مطابق ڈبل شفٹ میں صبح آٹھ بجے اسکول لگے گا،چھٹی ساڑھے بارہ بجے ہوگی،ڈبل شفٹ اسکول کو جمعہ کے روز دوپہر 12 بجے چھٹی ہو گی۔

خیبرپختونخوا میں تعلیمی اداروں میں موسم بہار کی تعطیلات کا اعلان

سکینڈ شفٹ میں اسکولز دوپہر ایک بجے لگے گا اور شام ساڑھے پانچ بجے چھٹی ہوگی،سکینڈ شفٹ میں جمعہ کے روز اسکولوں میں کلاسیں اڑھائی بجے شروع ہوں گی۔

نوٹیفکیشن کے مطابق نئے اوقات کار کا اطلاق 7اپریل سے ہوگا اور یہ اوقات کار 15اکتوبر تک نافذ رہیں گے۔