بلوچستان میں اینٹیمنی دھات کے بڑے ذخائر کی دریافت، او جی ڈی سی ایل اور پی ایم ڈی سی کا مشترکہ منصوبے کا اعلان

بلوچستان میں اینٹیمنی کے بڑے ذخائر دریافت ہوئے ہیں اس حوالے سے آئل اینڈ گیس ڈویلپمنٹ کمپنی لمیٹڈ (او جی ڈی سی ایل) اور پاکستان منرل ڈویلپمنٹ کارپوریشن (پی ایم ڈی سی) کا جامع تجارتی منصوبہ رواں سال متوقع ہے۔

تفصیلات کے مطابق ایس آئی ایف سی کی مؤثر حکمت عملی سے معدنی شعبے میں سرمایہ کاری کے نئے دروازے کھلنے لگے ہیں
او جی ڈی سی ایل اور پی ایم ڈی سی کی 50:50 شراکت داری، مشترکہ منصوبے کا اعلان 8-9 اپریل کو “پاکستان منرلز انویسٹمنٹ فورم 2025” کے دوران متوقع ہے۔اسی طرح سے گلگت بلتستان میں 10 معدنی بلاکس کے حصول کی پیش رفت، سونا، تانبہ، نکل اور کوبالٹ کے ذخائر کی تصدیق ہوئی ہے۔

پنجاب میں چنیوٹ کے معدنی ذخائر کی تلاش کے لیے او جی ڈی سی ایل اور منرل ڈیپارٹمنٹ میں رابطے میں ہے اور اینٹیمنی کی ریفائننگ کے لیے پاکستان کا اومان کی جدید سہولیات سے استفادے پر غور جاری ہے۔

پاکستان میں جدید کان کنی کے فروغ کے لیے تعلیمی نصاب کو عالمی معیار سے ہم آہنگ کرنے کا فیصلہ کیا گیا ہے اورمعدنی شعبے کی ترقی کے لیے او جی ڈی سی ایل کا ایچ ای سی اور یونیورسٹیوں کے ساتھ تعاون کا آغاز ایک مثبت پیشرفت ہے۔

بلوچستان میں اینٹیمنی کے ذخائر کے مکمل تجزیے کے لیے ریموٹ سینسنگ اور جیولوجیکل سروے کی تیاری جاری ہے اور
ایس آئی ایف سی کا معدنی شعبے کی ترقی میں کلیدی کردار-ترقی کی نئی راہیں متعین ہونگی۔