پاکستان کے آبی زخائر کی تشویشناک صورتحال، ارسا نے ایڈوائزری جاری کر دی

ملکی آبی ذخائر میں تشویشناک صورتحال، دریائے سندھ میں پانی کی سطح 50 فیصد سے کم ہوگئی، تربیلہ اورمنگلا ڈیم پر پانی کی سطح ڈیڈ لیول پر آگئی ہے۔

تفصیلات کے مطبق پاکستان ایکطرف خریف کے فصل کے موسم کی تیاری کر رہا ہے، جبکہ پانی کی شدید قلت نے حکام کو اپریل کے لیے پینے کے لیے پانی کی فراہمی کو سختی سے محدود کرنے پر مجبور کر دیا ہے۔

انڈس ریور سسٹم اتھارٹی (ارسا) کی ایڈوائزری کمیٹی نے اجلاس میں مئی میں صورتحال کا از سر نو جائزہ لینے کا فیصلہ کیا۔ ڈیم خشک ہونے، دریا کے بہاؤ میں کمی اور پہاڑوں پر برف کے ناکافی ذخائر کے ساتھ حکام نے ایک سنگین صورتحال سے خبردار کیا۔

ارسا حکام کے مطابق کہا کہ ڈیموں میں پانی نہیں ہے، دریا کے بہاؤ میں کمی آئی ہے، اور پہاڑوں پر برف کے کم ذخائر پانی کے بہاؤ میں شدید قلت سے دوچار ہیں۔ سٹیشنوں پر پانی کی کمی 51 فیصد ہے، جو صوبائی کینال ہیڈز پر 60 فیصد سے زیادہ ہے۔

ارسا، جو عام طور پر تین مرحلوں میں سیزن کے لیے پانی مختص کرتا ہے، بگڑتے ہوئے موسمی حالات کی وجہ سے ماہ بہ ماہ کی تشخیص میں منتقل ہو گیا ہے۔ اپریل کے لیے، کمیٹی نے سسٹم میں 43 فیصد کمی کی منظوری دی، جس میں اگلے ماہ مزید کمی کا امکان ہے۔

پاکستان کے محکمہ موسمیات نے ملک کے شمالی اور جنوبی علاقوں میں معمول سے کم بارش اور معمول سے زیادہ درجہ حرارت کی اطلاع دی۔ سندھ اور جہلم کے متصل علاقوں میں برف باری معمول سے 31 فیصد کم رہی، جس کی وجہ سے دریا کی آمد میں نمایاں کمی واقع ہوئی۔ تربیلہ ڈیم میں پانی کی سنگین صورتحال ہے، تربیلا اور منگلا ڈیم پر پانی کی سطح ڈیڈ لیول پر آگئی ہے۔

تربیلہ ڈیم کا موجودہ لیول 1404فٹ رہ گیا جبکہ1402فٹ ڈیڈ لیول ہے، پانی کی آمد میں بھی کمی ، 9 پیداواری یونٹس بند ہونے سے 499 میگاواٹ بجلی حاصل کی جارہی ہے۔ تربیلہ ڈیم میں پانی کی آمد میں بھی کمی ہوگئی تربیلہ ڈیم کے 9 پیداواری یونٹس بند ہونے سے 499 میگاواٹ بجلی حاصل کی جارہی ہے ۔

تربیلہ ڈیم کے 17 پیداواری یونٹس میں 4 ہزار 888 میگاواٹ بجلی بنانے کی صلاحیت ہے ، تربیلہ ڈیم کے 8 پیداواری یونٹ سے 499 میگاواٹ بجلی حاصل کی جارہی ہے۔ تربیلا ڈیم میں پانی کی سطح تشویشناک حد تک کم ہورہی ہے ۔ ڈیم میں پانی کا آبی ذخیرہ 2 فٹ باقی رہ گیا ، تربیلا ڈیم میں پانی کی سطح کم ہو1402 فٹ پر آگئی جبکہ ڈیم میں پانی کا ڈیڈل لیول 1402 فٹ ہے ، تربیلا ڈیم میں پانی کا زیر استعمال ذخیرہ 2فٹ باقی ہے، ڈیم میں پانی کا ذخیرہ.1403.85 فٹ تک پہنچ گیا۔

ڈیم ذرائع کا مزید کہنا تھا کہ تربیلہ ڈیم میں پانی کا ذخیرہ ختم ہونے پر پانی کی مزید آمد کے مطابق پانی کا اخراج کیا جائے گا ، تربیلا ڈیم میں پانی کی آمد 14 ہزار 4 سو کیوسک جبکہ پانی کا اخراج 20 ہزار کیوسک ہے۔