ورلڈ بینک نے پاکستان کیلئے تین سو ملین ڈالر قرض کی منظوری دے دی ہے۔
ورلڈ بینک کے مطابق قرض پنجاب کلین ایئر پروگرام کے تحت فراہم کیا جائے گا، رقم صوبہ پنجاب میں فضائی آلودگی کے خاتمے کیلئے خرچ ہوگی، ہوا کے معیار کو بہتر انتظام کے لیے اقدامات شامل ہونگے۔
ورلڈ بینک کا کہنا ہے کہ قرض سے صوبائی حکومت کےاسموگ مٹی گیشن ایکشن پلان کو تقویت ملے گی، مقصد جامع اقدامات کے ذریعے ہوا کے معیار عوامی صحت کو بہتر بنانا ہے۔
ورلڈ بینک کے کنٹری ڈائریکٹر نے کہا کہ پنجاب کلین ایئر پروگرام اسموگ کم کرنے کے منصوبے کیلئے معاون ہے، لاکھوں شہریوں کی صحت اور بہبود کو بہتر بنانے کی ایک اہم کوشش ہے، صاف ہوا سے سانس اور دل کی بیماریوں میں کمی آئے گی۔
کنٹری ڈائریکٹر نے مزید یہ بھی کہا کہ پنجاب کلین ایئر پروگرام عالمی بینک کے نئےکنٹری پارٹنرشپ فریم ورک کے مطابق ہے، دس سالوں میں پی ایم 2.5 کی سطح میں 35 فیصد تک کمی لانے کا ہدف ہے، لاہور ڈویژن کے 13 ملین شہریوں کو فضائی آلودگی سے جڑی بیماریوں میں کمی آئے گی۔
By 
