رواں سال بھی اسلام آباد اور کراچی سے پاکستانی عازمین حج روڈ ٹو مکہ منصوبے سے فائدہ اٹھائیں گے۔
وزارت مذہبی امور نے سول ایوی ایشن کو ایک خط ارسال کیا ہے، جو سعودی سفارتخانے کے مراسلے کی تسلسل میں ہے۔ اس مراسلے میں روڈ ٹو مکہ پراجیکٹ کے حوالے سے دونوں ایئرپورٹس پر مختلف انتظامات کی ہدایات دی گئی ہیں۔
مراسلے کے مطابق اسلام آباد اور کراچی ایئرپورٹس پر روڈ ٹو مکہ منصوبے کے تحت عازمین کی امیگریشن کی جائے گی۔ اس منصوبے کے تحت فریضہ حج کے لیے جانے والے عازمین کو خصوصی سہولتیں فراہم کی جائیں گی، اور ان کی امیگریشن سعودی عرب میں نہ ہو کر اسلام آباد اور کراچی ایئرپورٹس پر ہی کی جائے گی۔
مراسلے میں یہ بھی کہا گیا ہے کہ سول ایوی ایشن اتھارٹی سعودی امیگریشن عملے کے لیے خصوصی جگہ مختص کرے تاکہ روڈ ٹو مکہ منصوبے کے تحت تمام عمل آسانی سے مکمل ہو سکے۔
By 
