وفاقی وزیر برائے منصوبہ بندی و ترقی احسن اقبال نے کہا ہےکہ مسلم لیگ( ن) کا ایک ہی ایجنڈا ہے ترقی کی دوڑ میں پاکستان کو بھارت سے جتوانا ہے۔
نجی ٹی وی کے مطابق وفاقی وزیر احسن اقبال نے نارووال میں کرکٹ گراؤنڈ کا افتتاح کیا اور اس موقع پر میڈیا سے گفتگو کے دوران انہوں نے کہا کہ (ن)لیگ جب بھی بر سر اقتدار آتی ہے تو ملکی ترقی کا پہیہ تیزی سے چلنے لگتا ہے۔
جب بھی ن لیگ سے ملک چھینا جاتا ہے تو ترقی کا پہیہ الٹا چلنے لگتا ہے۔ وفاقی وزیر نے کہا کہ نیا پاکستان بنانے کا کہنے والوں نے 4سال میں ملک کو اجاڑ دیا۔ ان کا نیا پاکستان غریبوں کیلئےجہنم اور بیروزگاری کا پاکستان تھا۔
انہوں نے مزید کہا کہ تحریک انصاف سے جب حکومت لی گئی تو ملک دیوالیہ ہونے کے قریب تھا ۔ ن لیگ کو حکومت کے بدلے سخت فیصلے کرنے پڑے جس کے ثمرات آج عوام کومل رہے ہیں۔
احسن اقبال کا مزید کہنا تھا کہ مہنگائی کی شرح 38 فیصد سے کم ہو کر 4 فیصد سے بھی کم رہ گئی ہے۔ اب ملک میں کسی دھرنے، فساد یا لانگ مارچ کی ضرورت نہیں ہے۔
By 
