750 روپے مالیت کے پرائز بانڈز کی اگلی قرعہ اندازی کب ہوگی؟

750 روپے مالیت کے پرائز بانڈ کی آئندہ قرعہ اندازی 15 اپریل کو پشاور میں واقع نیشنل سیونگ سینٹر میں ہوگی، جو صبح 10 بجے شروع ہوگی۔

یہ رواں سال کے دوران 750 روپے مالیت کے پرائز بانڈ کی دوسری قرعہ اندازی ہوگی۔ قرعہ اندازی کے بعد نیشنل سیونگ سینٹر کی جانب سے انعامات جیتنے والوں کی فہرست جاری کی جائے گی، جس کے مطابق خوش نصیب فاتحین اپنے انعامات حاصل کرنے کے لیے قریبی برانچوں کا رخ کر سکیں گے۔

مزید پڑھیں: سونے کی فی تولہ قیمت میں کمی ہوگئی

750 روپے مالیت کے پرائز بانڈ کی قرعہ اندازی میں مختلف انعامات رکھے گئے ہیں۔ اس میں پہلا انعام 15 لاکھ روپے کا ہوگا جو ایک فاتح کو ملے گا، دوسرا انعام 5 لاکھ روپے کا ہوگا جو تین فاتحین میں تقسیم کیا جائے گا جبکہ تیسرا انعام 9,300 روپے کا ہوگا جس کے فاتحین کی تعداد 1,696 ہے۔

اس کے علاوہ قرعہ اندازی میں جیتنے والے تمام افراد اپنے انعامات نیشنل سیونگ سینٹر کی مختلف برانچوں سے حاصل کر سکتے ہیں۔ رواں سال 2025 کی پہلی قرعہ اندازی جنوری میں ہوئی تھی، جس میں 15 لاکھ روپے کا پہلا انعام پرائز بانڈ نمبر 271541 نے جیتا تھا۔

دوسرا انعام 5 لاکھ روپے تین خوش نصیب فاتحین میں تقسیم ہوا، جن کے پرائز بانڈز نمبر 317904، 496553 اور 800663 تھے۔ پرائز بانڈ کو پاکستان میں بچت کے طور پر سرمایہ کاری کا ایک اہم ذریعہ سمجھا جاتا ہے کیونکہ یہ کسی بھی وقت کیش کیا جا سکتا ہے اور میگا کیش پرائز جیتنے کا موقع بھی فراہم کرتا ہے۔