پاکستان نے عالمی انڈر 23 اسکواش چیمپئن شپ جیت لی

پاکستان نے عالمی انڈر 23 اسکواش چیمپئن شپ جیت لی۔

کراچی میں کھیلے گئے مینز ایونٹ کے فائنل مقابلے میں پاکستان کے اسکواش کھلاڑی نور زمان نے مصر کے کریم الترکی کوتین دو سے شکست دی۔

نور زمان نے جیتنے کے بعد اللہ کا شکر ادا کیا اور کہا کہ جو محنت کی اس کا نتیجہ سامنے آیا۔ اس موقع پر وزیراعظم اور صدر نے بھی انہیں مبارکباد دی۔

ڈیوڈ ولی نے پی ایس ایل کو دنیا کی بہترین لیگ قرار دے دیا

وزیراعظم شہباز شریف نے انڈر 23 ورلڈ اسکواش چیمپئن شپ جیتنے پر نور زمان کو خراج تحسین پیش کرتے ہوئے پوری قوم کو مبارکباد پیش کی اور کہا کہ نور زمان نے اپنے کھیل سے پاکستان کا نام پوری دنیا میں روشن کیا، پوری قوم کو آپ پر فخر ہے۔ انشاء اللہ ، پاکستان اسکواش کے میدان میں اپنا کھویا ہوا مقام دوبارہ حاصل کرے گا۔

صدرِمملکت آصف زرداری نے بھی انہیں جیتنے پر مبارکباد دی  اور کہا کہ نور زمان نے فائنل سمیت پوری چیمپئن شپ میں بہترین کھیل پیش کیا۔ مستقبل میں نور زمان کی مزید کامیابیوں کیلئے پرامید اور کامیابی کیلئے دعا گو ہیں۔