ننکانہ صاحب کی ضلعی انتظامیہ نے تعلیمی ادارے پانچ دن کیلئے بند رکھنے کا اعلان کر دیا۔
ضلعی انتظامیہ کی جانب سے جاری نوٹیفکیشن کے مطابق بیساکھی میلے میں شرکت کیلئے بھارت سے سکھ یاتریوں کی بڑی تعداد پاکستان پہنچ چکی ہے۔ انڈیا سے 7ہزار کے قریب سکھ یاتری ننکانہ صاحب پہنچیں گے۔
پاکستان سمیت دنیا بھر سے بھی ہزاروں سکھ یاتری بیساکھی میلے میں شرکت کریں گے۔ مرکزی تقریب 14اپریل کا ہوگی۔ ڈی پی او کی ہدایت پر سکھ برادری کے بیساکھی میلے کا پولیس نے سیکیورٹی پلان جاری کر دیا۔
ترجمان پولیس کے مطابق 2000پولیس افسران و جوان سیکیورٹی ڈیوٹی پر مامور ہوں گے۔ ضلعی پولیس کے علاوہ پنجاب کنسٹیبلری فاروق آباد اوردیگر اضلاع سے اضافی نفری بھی طلب کی گئی ہے۔ بیرون ممالک سے آنیوالے سکھ یاتری 12اپریل کو ننکانہ صاحب پہنچیں گے۔
By 
