اسٹیک ہولڈرز کے درمیان بات چیت ہو رہی ہے ، تفصیلات صرف سیاسی جماعتیں ہی بتا سکتی ہیں:شیخ رشید

عوامی مسلم لیگ (اے ایم ایل) کے سربراہ اور سابق وفاقی وزیر شیخ رشید احمد نے دعویٰ کیا ہے کہ اسٹیک ہولڈرز کے درمیان بات چیت ہو رہی ہے تاہم تفصیلات صرف سیاسی جماعتیں ہی بتا سکتی ہیں۔

انسداد دہشت گردی عدالت راولپنڈی کے باہر میڈیا سے گفتگو کے دوران شیخ رشید نے کہا کہ ملک کے تعطل کو توڑنے کے بعد آگے بڑھنا چاہیے کیونکہ اس وقت عام آدمی کی حالت میں بہتری کی ضرورت ہے۔

یہ بھی پڑھیں:’بولوں کہ نہ بولوں‘ ابھی موسم نہیں آیا، شیخ رشید کی میڈیا سے گفتگو

 نومئی کے مقدمات کے ٹرائل پر تبصرہ کرتے ہوئے سابق وزیر نے کہا کہ تمام مقدمات کو سننا اور ان کا نتیجہ اخذ کرنا بہت مشکل تھا، انہوں نے دعویٰ کیا کہ 36,000 زیر التواء مقدمات ہیں اور 25,000 لوگ فرار ہیں جبکہ کئی کے خلاف چارج شیٹ کی جا رہی ہے۔

یہ بھی پڑھیں:جتنے مرضی کیسز درج کرنے ہیں کر لیں ، بانی پی ٹی آئی کا ساتھ نہیں چھوڑیں گے : زرتاج گل

وزیر اعظم میاں محمد شہباز شریف کی طرف سے اعلان کردہ بجلی کی قیمتوں میں کمی کے بارے میں ایک سوال کے جواب میں انہوں نے کہا کہ میں نے اس کے بارے میں سنا ہے۔ وہ مزید کوئی تبصرہ کئے بغیر چلے گئے۔