ویرات کوہلی نے ٹی ٹوئنٹی کرکٹ میں ایک اور ریکارڈ اپنے نام کر لیا

معروف بیٹر ویرات کوہلی نے آئی پی ایل میں کھیلتے ہوئے ایک اور اہم سنگ میل عبور کرکے نیا ریکارڈ بنا ڈالا۔

انہوں نے راجستھان رائلز کے خلاف نصف سنچری بنا کر ٹی ٹوئنٹی کرکٹ میں 100 نصف سنچریاں بنانے کا اعزاز حاصل کر لیا۔

پی ایس ایل، فخر زمان نے محمد رضوان کا ریکارڈ برابر کردیا

یہ اہم سنگ میل عبور کرنے کے بعد وہ ٹی ٹوئنٹی کرکٹ میں یہ اعزاز حاصل کرنے والے پہلے بھارتی کھلاڑی بن گئے ہیں۔ وہ ٹی ٹوئنٹی کرکٹ میں 100 نصف سنچریاں بنانے والے دنیا کے دوسرے بلے باز بن گئے ہیں۔

آسٹریلیا کے ڈیوڈ وارنر 108 نصف سنچریوں کے ساتھ پہلے نمبر پر موجود ہیں،پاکستان کے بابر اعظم 90 نصف سنچریوں کے ساتھ تیسرے نمبر پر ہیں۔