اسلام آباد کے بعد خیبرپختونخوا میں بھی شدید ژالہ باری ، گاڑیوں کے شیشے ٹوٹ گئے، سولر کو بھی نقصان

ملک کے مختلف علاقوں میں ایک بار پھر بارش اور ژالہ باری کا آغاز ہو گیا ہے، اسلام آباد کے بعد خیبرپختونخوا میں بھی شدید ژالہ باری سے گاڑیوں کے شیشے ٹوٹ گئے۔

میڈیا رپورٹس کے مطابق ضلع خیبر کے کچھ علاقوں میں تیز ہواؤں کے ساتھ موسلا دھار بارش اور ژالہ باری ہورہی ہے۔ ضلع خیبر کے علاقوں باڑہ، جمرود اور لنڈی کوتل میں شد ید ژالہ باری کی وجہ سے گاڑیوں کے شیشے ٹوٹ گئے۔

سپریم کورٹ نے 9 مئی کے ملزمان کے مقدمات کا فیصلہ کرنے کا حکم نامہ جاری کر دیا

ژالہ باری کی وجہ سے سولر پینلز کو بھی نقصان پہنچا، طورخم کے علاقے میں بھی ژالہ باری سے گاڑیوں کے شیشے ٹوٹنے کی اطلاعات ہیں۔

واضح رہے کہ خیبرپختونخوا میں 20 اپریل تک شدید موسمی صورتحال کا الرٹ جاری کیا گیا ہے، مختلف علاقوں میں تیز بارش اور ژالہ باری کی پیشگوئی کی گئی ہے۔